اسلام آباد : امریکی رکن کانگریس شیلا جیکسن لی نے پاکستان کے جشن آزادی پر نیک تمناؤں کا اظہار کرتے ہوئے کہا کہ پاکستان کاکس مشکل کی ہرگھڑی میں پاکستانی عوام کے ساتھ ہے۔
تفصیلات کے مطابق امریکی کانگریس میں پاکستان کاکس کی چیئرپرسن شیلا جیکسن لی نے پاکستان کے جشن آزادی پرمبارکباد دی۔
اپنے ویڈیوپیغام میں شیلا جیکسن لی نے کہا کہ میں بھی پاکستان کے جشن آزادی منا رہی ہوں، کاکس چیئرپرسن کی حیثیت سے کئی بار پاکستان کا دورہ کیا، گزشتہ سال کی مون سون بارشوں کی تباہی اپنی آنکھوں سےدیکھی ہے، لیکن اس تباہی کےبعد پاکستانی عوام کا جذبہ قابل دید تھا۔
انہوں نےپاکستانی تارکین وطن کی سیلاب متاثرین کوامدادفراہم کرنے کہ جذبے کو بھی سراہتے ہوئے کہا کہ حالیہ سیلاب کے دوران امریکی حکومت نے متاثرین کی بھرپور مدد کی، پاکستان کاکس مشکل کی ہرگھڑی میں پاکستانی عوام کے ساتھ ہے۔
امریکی رکن کانگریس کا کہناتھا کہ انتہائی فخر اور اعزاز کیساتھ پاکستان کے یوم آزادی کو تسلیم کرتی ہوں۔۔پاکستان زندہ باد۔
ان کا مزید کہنا تھا کہ امریکا پاکستان کےساتھ مل کرکام کرنےکیلئےپرعزم ہے۔
