The news is by your side.

Advertisement

امریکی ڈالر کا نیا ریکارڈ قائم، 182 روپے تجاوز کرگیا

کراچی : اسلام آباد : اوپن مارکیٹ اور انٹر بینک میں امریکی ڈالر نے نیا ریکارڈ قائم کر دیا اور تاریخ میں پہلی بار 182 روپے سے تجاوز کر گیا۔ ‏ ‏

تفصیلات کے مطابق کرنسی مارکیٹ میں روپے کی بے قدری اور ڈالر کی قیمت میں تیزی سے اضافے کا سلسلہ جاری ہے ، کاروباری ہفتے کے پہلے روز امریکی ڈالر بلند ترین سطح پر برقرار ہے۔

آغاز کے پہلے ہی سیشن میں انٹربینک مارکیٹ میں ڈالر کی قدر میں 41 پیسے کا اضافہ ہوا اور روپے کے مقابلے میں امریکی ڈالر ملک کی تاریخ کی بلند ترین سطح 182 روپے 19 پیسے پر پہنچ گیا۔

کرنسی ڈیلرز کے مطابق اوپن مارکیٹ میں بھی ڈالر 182 روپے 70 پیسے پر فروخت ہو رہا ہے۔

ماہرین کا کہنا ہے کہ مارچ کے مہینے میں ادائیگیوں کے پریشر کی وجہ سے امریکی ڈالر دباو کا شکار رہے گا۔

یاد رہے دسمبر میں امریکی ڈالر 178 روپے کی بلند ترین سطح پر ‌پہنچا تھا ، ماہرین کا کہنا تھا 7ماہ میں ڈالر 25 روپے 72 پیسے مہنگا ہوچکا ہے۔

Comments

یہ بھی پڑھیں