The news is by your side.

Advertisement

امریکی صدر نے لاطینی امریکا کا دورہ منسوخ کردیا

واشنگٹن: شام میں جاری خانہ جنگی کے باعث امریکی صدر ڈونلڈ ٹرمپ نے لاطینی امریکا کا دورہ منسوخ کردیا ہے۔

وائٹ ہاؤس سے جاری بیان کے مطابق ڈونلڈ ٹرمپ شام کو دئیے جانے والے امریکی جواب کی نگرانی خود کرنا چاہتے ہیں، وہ اس حوالے سے جلد ہی کوئی فیصلہ کریں گے۔

قبل ازیں ٹرمپ کا کہنا تھا کہ صدر بشار الاسد کو دوما میں کیے گئے مبینہ کیمیائی حملے کا سخت جواب دیا جائے گا، عورتوں اور بچوں سمیت بہت سے لوگ مارے گئے ہیں، کیمیائی حملے کی بھاری قیمت چکانی پڑے گی، دریں اثناء شامی حکومت نے ایسی کسی بھی ممکنہ خطرات کے پیش نظر ملکی فوج کو ہائی الرٹ کردیا ہے۔

یہ پڑھیں: شام میں کیمیائی حملہ بلاجواز ہے، بھاری قیمت چکانی پڑے گی، ٹرمپ

دوسری جانب شام میں کیمیائی ہتھیاروں کی روک تھام کے لیے سرگرم بین الاقوامی تنظیم او پی سی ڈبلیو نے اپنے ماہرین کو شام روانہ کردیا ہے۔

ماہرین کی جانب سے باغیوں کے زیر قبضہ شامی علاقے دوما میں پہنچ کر تحقیقات کی جائیں گی کہ حال ہی میں وہاں کیمیائی ہتھیاروں سے کوئی حملہ کیا گیا تھا یا نہیں۔

قبل ازیں شامی حکومت اور روس نے کیمیائی ہتھیاروں کے مبینہ استعمال کے الزامات کو مسترد کرتے ہوئے کہا تھا کہ کیمیائی حملوں کی تحقیقات کسی بین الاقوامی تنظیم سے کرائی جاسکتی ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں