کینیڈین شہری ہردیپ سنگھ کے قتل پر امریکا کا دوٹوک موقف سامنے آگیا اور فائیو آئیز کی بھارت کے اس قتل میں ملوث ہونے کی تصدیق کے بعد کینیڈا کی حمایت کر دی ہے۔
کینیڈین شہری ہردیپ سنگھ کے قتل پر امریکا کا واضح اور دوٹوک موقف سامنے آگیا۔ فائیو آئیز کی بھارت کے کینیڈین شہری کے قتل میں ملوث ہونے کی تصدیق کے بعد امریکا بھی کینیڈا کا حمایتی بن گیا ہے اور کہا ہے کہ امریکا کینیڈین شہری کے قتل میں کینیڈا کے موقف کی حمایت کرتا ہے۔
22 ستمبرکو امریکا کے سیکریٹری انٹونی بلنکن نے بھارت اور کینیڈا کے مابین ہردیپ سنگھ کے سکھ کے قتل کے حوالے سے پریس کانفرنس میں واضح موقف بیان کیا اور کہا کہ امریکا کو کینیڈین وزیراعظم جسٹن ٹروڈو کے بھارت پر لگائے گئے الزامات پر گہری تشویش ہے اور وہ سنجیدگی سے اس معاملے کو دیکھ رہا ہے اور امریکا کینیڈین شہری کے قتل میں کینیڈا کےموقف کی تائید کرتا ہے۔
انہوں نے کہا کہ امریکا بین الاقوامی جبر کی شدید مخالفت کرتا ہے اور کوئی بھی ملک اگر ایسا کرنے کا سوچتا ہے تو اس کے خلاف کارروائی ہوگی۔ کینیڈا کسی بھی قسم کے بین الاقوامی دباؤ سے بالاتر ہو کر ہردیپ سنگھ قتل معاملے پر شفاف تحقیقات کو یقینی بنائے اور تفتیش کو درست سمت میں آگے بڑھانے کے لیے بھارت تعصب سے بالاتر ہوکر تحقیقات میں کینیڈین حکام سے تعاون کرے۔
