The news is by your side.

Advertisement

پاکستان کئی محاذوں پر ایک اہم شراکت دار ہے، امریکی محکمہ خارجہ

واشنگٹن : ترجمان امریکی محکمہ خارجہ نیڈ پرائس نے کہا ہے کہ پاکستان کئی محاذوں پر ایک اہم شراکت دار ہے، افغانستان میں پاکستان اور امریکا کے مشترکہ مفادات ہیں۔

ترجمان امریکی محکمہ خارجہ نیڈ پرائس نے پریس بریفنگ کرتے ہوئے بتایا کہ افغانستان میں پاکستان کی تعمیری شراکت داری کی حوصلہ افزائی کرتے ہیں۔

انہوں نے کہا کہ افغانستان کی امن و سلامتی کیلئے پاکستان امریکا مشترکہ کوششیں کر رہے ہیں، حال ہی میں پاکستان کئی معاملات میں مدد گار رہا۔

نیڈ پرائس کا کہنا تھا کہ ایران میں طالبان کی ملاقاتوں کے احوال سے آگاہ ہیں، افغانستان کے ہمسایہ ممالک بھی مستقبل کے حصہ دار ہیں،
ہمسایہ ممالک کو اثر و رسوخ مثبت انداز میں استعمال کرنا ہوگا۔

ترجمان نے کہا کہ افغانستان میں امن کیلئے علاقائی اتفاق رائے، تعاون اہم ہے، دوحہ میں جاری امن کوششوں کی ابھی بھی حمایت کر رہے ہین، افغان امن کیلئے ترکی، قطر کے کردار کے شکر گزار ہیں۔

ترجمان امریکی محکمہ خارجہ کا کہنا تھا افغانستان میں امن کیلئے ہمسایہ ممالک کو تعمیری کردار ادا کرنا ہوگا، ایران کا کردار بھی تعمیری ہوسکتا ہے۔

Comments

یہ بھی پڑھیں