The news is by your side.

Advertisement

انگوٹھا دکھا کر فالوورز کی تعداد بڑھانے والا نوجوان

نیویارک: امریکی ریاست میسا چوسٹس کا طالب علم جیکب پنا اپنے پانچ انچ لمبے انگوٹھے کی وجہ سے ویڈیو شیئرنگ ایپ ٹک ٹاک پر وائرل ہوگیا۔

غیرملکی خبررساں ادارے کے مطابق امریکی شہری جیکب پنا نے ٹک ٹاک پر ایک ویڈیو شیئر کی جس میں انہوں نے پانچ انچ لمبے انگوٹھے دکھائے، جنہوں نے ٹک ٹاک صارفین کی توجہ اپنی جانب مبذول کروالی۔

جیکب کے غیرمعمولی لمبے انگوٹھے کی وجہ سے دوسری انگلیاں بہت چھوٹی نظر آرہی تھیں، منفرد انگوٹھے کے حامل جیکب اپنی اس خصوصی خاصیت کی باعث ٹک ٹاک پر مقبول ہورہے ہیں اور ان کے فالوورز کی تعداد ایک لاکھ 50 ہزار سے تجاوز کرگئی۔

برطانوی اخبار ڈیلی میل کی رپورٹ کے مطابق جیکب پنا کے انگوٹھے کی لمبائی اے فائیو کاغذ کی چوڑائی، سافٹ ڈرنک کین کی اونچائی یا بال پوائنٹ فلم کی لمبائی سے تشبیہ دی جاسکتی ہے۔

جیکب کا کہنا ہے کہ وہ اچھا محسوس کرتا ہے کہ اس کے انگوٹھے کی لمبائی دوسرے افراد سے زیادہ بڑی ہے، پنا کے مطابق اس کے دوسرے بھائی بھی اس کا مذاق اڑاتے ہیں اور ‘ایلین‘ کہہ کر پکارتے ہیں۔

جیکب پنا نے ایک ٹیبل پر پانی کی بوتل رکھ کر ویڈیو شیئرنگ ایپلی کیشن ٹک ٹاک پر شیئر کی تھی جو دیکھتے ہی دیکھتے وائرل ہوگئی تھی۔

Comments

comments

یہ بھی پڑھیں