شوبز انڈسٹری کی معروف اداکارہ اشنا شاہ حال ہی میں ایک پوڈ کاسٹ میں شریک ہوئیں، جہاں انہوں نے حیرت انگیز انکشافات کرکے اپنے چاہنے والوں کو ورطہ حیرت میں ڈال دیا۔
اداکارہ کا دوران انٹرویو کہنا تھا کہ ان کی شادی کے بعد ان کے خاوند کو شہرت ملی تو عورتیں پیچھے ہٹنے کے بجائے بے غیرتوں کی طرح ان کے پیچھے پڑ گئیں۔
فروری 2023 میں اشنا شاہ معروف گالفر حمزہ امین کے ساتھ شادی کے بندھن میں بندھ گئی تھیں، جس کے بعد وہ کچھ ماہ کے لیے اسکرین سے غائب ہوگئیں تھیں۔
View this post on Instagram
پوڈ کاسٹ کی وائرل ہونے والی ویڈیو میں اشنا شاہ بتاتی نظر آتی ہیں کہ زیادہ تر لڑکے دھوکے باز ہوتے ہیں، وہ لڑکیوں کے دل توڑتے ہیں۔
اشنا شاہ نے اعتراف کیا کہ انہوں نے بھی بہت سارے لڑکوں کو بیوقوف بنایا ہے، انہوں نے کہا کہ کسی کو ان کے شوہر کو بتانا چاہیے تھا کہ وہ ان سے پہلے ایسے کام کرتی رہی ہیں۔
وائرل ہونے والی ویڈیو میں اشنا شاہ نے یہ دعویٰ بھی کیا کہ جب ان کی شادی ہوئی تو ان کے شوہر کے موبائل فون کا کوئی پاس ورڈ نہیں تھا، انہوں نے شوہر کو پاس ورڈ لگانے کا کہا۔
اشنا شاہ کا کہنا تھا کہ ان کے شوہر کے مقبول ہونے کے باعث خواتین کو ان سے دور رہنا چاہیے تھا لیکن حیران کن طور پر عورتیں مزید ’بے غیرت‘ ہوگئیں اور ان کے شوہر کے پیچھے ہی پڑ گئیں۔