The news is by your side.

Advertisement

وانُواَتو کی سیر کیجیے!

اگر آپ قدرتی حُسن اور فطرت کے نظاروں سے مالا مال کسی ملک کی سیر کرنا چاہتے ہیں تو دنیا میں بہت سے ممالک موجود ہیں، لیکن فطرت کے ساتھ سادہ طرزِ زندگی اور لوگوں کا رہن سہن دیکھنا ہو تو وانُواَتو (Vanuatu) کا انتخاب کریں۔

آسٹریلیا کے شمال میں جزائر پر مشتمل اس ملک کا دارالحکومت اور سب سے بڑے شہر کا نام پورٹ ولا ہے اور اس پورے شہر کی سیر کرنے میں صرف تین گھنٹے لگیں گے۔

جنوبی بحر الکاہل میں 83 جزائر پر مشتمل اس ملک کو نقشے میں دیکھیں تو یہ انگریزی حرف “Y ” کی طرح نظر آتا ہے۔ اس کے پڑوسی ممالک میں فجی، آسٹریلیا، سلومن آئی لینڈ واقع ہیں۔

یہاں کی آبادی تین لاکھ نفوس پر مشتمل ہے۔ وانُواتو جنت نظیر ہے۔ اس جزیرے میں سرسبز وادیاں، حسین پہاڑ، جنگلات، شفاف دریا اور ساتھ ہی بحرالکاہل کی ہوائیں اور اس کا ساحل آپ کو اپنے سحر میں جکڑ لیتا ہے۔

اس ملک میں چند سو کی تعداد میں مسلمان بھی آباد ہیں جن کا تعلق مختلف ممالک سے ہے۔ یہاں کے باشندے قبائل اور مختلف برادریوں سے تعلق رکھتے ہیں۔ یہاں باقاعدہ پارلیمانی نظام رائج ہے۔

وانُواتو کو 1980 میں آزادی ملی تھی۔ یہ جزائر ایک عرصے تک اینگلو فرنچ کالونی رہے۔ یہاں کی مقامی زبان بسلاما ہے جو انگریزی سے کافی ملتی جلتی ہے، لیکن فرانسیسی اب بھی بولی اور سمجھی جاتی ہے۔

Comments

یہ بھی پڑھیں