اسلام آباد : وزیراعظم کے معاون خصوصی جواد سہراب ملک کا کہنا ہے کہ معاہدے کے قریب پہنچ گئے ہیں، بہت جلد ایمریٹس کی ایئر بس اے 380 کی کمرشل پروازیں پاکستانی ایئر پورٹس پر اتریں گی۔
تفصیلات کے مطابق وزیراعظم کے معاون خصوصی جواد سہراب ملک کی جانب سے بیان میں کہا گیا ہے کہ دنیا کا سب سے بڑا مسافر بردارطیارہ بہت جلد امارات سے پاکستان کیلئے پرواز بھرے گا۔
جواد سہراب کا کہنا تھا کہ پاکستان اور یو اے ای پاکستان میں پروازوں کے معاہدے کے قریب پہنچ گئے ہیں ، بہت جلد ایمریٹس کی ایئر بس اے 380 کی کمرشل پروازیں پاکستانی ایئر پورٹس پر اتریں گی۔
وزیراعظم کے معاون خصوصی نے کہا کہ اے380 میں مسافروں کی اضافی گنجائش سے کرائے کم کرنے میں مدد ملے گی، دیگر شعبوں سمیت پاکستانی ایوی ایشن میں بہتری کیلئے ہنگامی اقدامات کر رہے ہیں۔
انتخابات کے حوالے سے ان کا کہنا تھا کہ انتخابات ضروری ہیں لیکن حالات کے مطابق اگر کچھ وقت بعد ہوجائیں تو مضائقہ نہیں۔
