بھارت کی معروف گلوکارہ وانی جے رام کی لاش گھر سے برآمد ہوئی ہے۔
بھارتی میڈیا رپورٹس کے مطابق 78 سالہ گلوکارہ وانی جے رام چنئی کے علاقے ننگا مبکم میں مقیم تھی ان کی موت کی وجہ تاحال واضح نہیں ہوسکی ہے۔
میڈیا رپورٹس میں بتایا گیا ہے کہ گلوکارہ کی ملازمہ نے فون نہ اٹینڈ ہونے پر رشتے داروں کو آگاہ کیا جنہوں نے پولیس کو اطلاع دی۔
واضح رہے کہ جے رام کا شمار مشہور پلے بیک سنگرز میں ہوتا تھا۔
گلوکارہ نے 50 سالہ کیریئر میں مختلف زبانوں میں دس ہزار سے زائد گانے گائے اور کئی معروف بھارتی موسیقاروں کے ساتھ کام کیا۔
انہیں موسیقی کے میدان میں شاندار کارکردگی پر تین مرتبہ نیشنل ایوارڈ سے بھی نوازا جاچکا ہے۔
