ریاض: سعودی عرب میں پیٹرول پمپ پر فٹبال سے کھیلتی بچی حادثے میں معجزانہ طور پر محفوظ رہی جس کی ویڈیو وائرل ہوگئی۔
خلیج ٹائمز کی رپورٹ کے مطابق سعودی عرب کے شہر طائف کے پیٹرول پمپ پر بچی فٹبال اٹھانے کے لیے گئی اور اچانک گاڑی کے ٹائروں کے نیچے آگئی، بچی کو معجزانہ طور پر خراش تک نہ آئی۔
سماجی رابطے کی ویب سائٹ انسٹاگرام پر شیئر کی جانے والی ویڈیو میں دیکھا جاسکتا ہے کہ بچی فٹبال اٹھانے کے لیے آگے آتی ہے تو سفید رنگ کی گاڑی رکے بغیر بچی کے اوپر چڑھ دوڑتی ہے۔
ویڈیو میں دیکھا جاسکتا ہے کہ بچی کا باپ اسے فورا اٹھاتا ہے اور پھر گود سے اتار کر مذکورہ گاڑی کے پیچھے بھاگتا ہے لیکن گاڑی میں موجود افراد فرار ہونے میں کامیاب ہوجاتے ہیں۔
رپورٹ کے مطابق حادثے کے نتیجے میں بچی کو کوئی زخم نہیں آئے تاہم اہل خانہ اور ڈرائیور کے لیے یہ ایک تکلیف دہ لمحہ تھا۔
