سڑک پر تاجر کے ہاتھوں سے ہیرے کا پیکٹ کیا گرا کہ انھیں تلاش کرنے کے لیے لوگوں کا جم غفیر جمع ہوگیا، واقعے کی ویڈیو سوشل میڈیا پر وائرل ہورہی ہے۔
بھارتی ریاست گجرات میں اس وقت عجیب و غریب صورتحال دیکھنے میں آئی جب لوگوں کو پتا چلا کہ ایک تاجر کا ہیروں سے بھرا پیکٹ سڑک پر گر گیا ہے۔ آس پاس موجود سب لوگ ان ہیروں کو پالینے کی چاہت میں سڑک پر اسے دیوانوں کی طرح ڈھونتے رہے۔
سورت میں واقع ورچہ کے علاقے میں ہیروں کی خرید و فروخت کی جاتی ہے۔ وہاں غلطی سے ایک تاجر کا ہیروں کا پیکٹ سڑک پر گر پڑا۔
جس شخص کو بھی اطلاع وہ اس سڑک پر ہیرے ڈھونڈنے پہنچ گیا تاکہ اس کے ہاتھ بھی قیمتی ہیرے لگے اور وہ امیر ہوجائے۔
ये हीरे ढूंढने की मशक्कत है!
दरसल, सूरत में हीरों का पैकेट सड़क पर गिर जाने की अफवा फैल गई
और फिर लोग हीरे की खोज करने लगे
कुछ लोगों को हीरे मिले भी….लेकिन अफसोस…वो नकली थे…#Diamonds #Surat #jewellery pic.twitter.com/uaKg4A5Rlk
— Archana Pushpendra (@margam_a) September 25, 2023
مقامی میڈیا کے مطابق سڑک پر ہیروں کو تلاش کرتے ہوئے لوگ مٹی بھی اٹھاتے دیکھے گئے جب کہ اس دوران رش کی وجہ سے وہاں ٹریفک بھی جام ہوگیا۔
ارون نامی شخص کو ایک ہیرا ڈھونڈنے میں کامیاب ہوگیا مگر وہ نقلی ہیرا نکلا جسے امریکی ڈائمنڈ کہا جاتا ہے ۔ بعد میں معلوم ہوا کہ جس تاجر کے ہیروں کا پیکٹ گرا دراصل وہ نقلی ہیرے تھے جو کہ آرٹیفیشل جیولری میں استعمال ہوتے ہیں۔
