دوحہ: قطر میں جاری فیفا ورلڈ کپ میں نیمار کی برازیل کو کل اپ سیٹ شکست کا سامنا کرنا پرا جس کی وجہ سے وہ اسٹیڈیم میں ہی آبدیدہ ہوگئے۔
دوحا کے ایجوکیشن سٹی اسٹیڈیم میں کھیلے گئے پہلے کوارٹر فائنل میں برازیل اور کروشیا مد مقابل آئیں، دونوں ٹیموں کے درمیان دلچسپ اور سنسنی خیز مقابلہ دیکھنے کو ملا، دونوں ٹیموں نے متعدد بار ایک دوسرے کے گول پوسٹ پر حملے کئے تاہم کسی ٹیم کو کامیابی نہ مل سکی۔
مقررہ وقت میں دونوں ٹیموں کا مقابلہ بغیرکسی گول کےبرابرتھا، دونوں ٹیموں نے ایک ایک گول اضافی وقت میں کیا، جس کے بعد فیصلہ پیلنٹی کارنر پر ہوا۔
https://twitter.com/shoaibA21211051/status/1601277475316969474?s=20&t=mnJS0WtncbL8R0xI8v3wxA
بعد ازاں کروشیا نے پنالٹی شوٹ آؤٹ پر2-4سے کامیابی حاصل کی، اسی فتح کے ساتھ کروشیا مسلسل دوسری بار فیفا ورلڈکپ کے سیمی فائنل میں جاپہنچی جبکہ برازیل ایونٹ سے باہر ہوئی۔
ویڈیو میں دیکھا جاسکتا ہے کہ غیر متوقع شکست پر برازیلی کھلاڑی زاروقطار رو دئیے جبکہ کئی کھلاڑی افسردگی کے عالم میں میدان میں لیٹ گئے۔
ویڈیو میں یہ بھی دیکھا جاسکتا ہے کہ نیمار گراؤنڈ میں زارو قطار رو رہے ہوئے ہیں۔ ساتھی کھلاڑی کے تسلی کے بعد بھی وہ کافی دیر تک گراؤنڈ میں روتے رہے جسے دیکھ کر ان کے مداحوں سے سوشل میڈیا پر ہمدردی کا اظہار کیا۔