بعض دفعہ ہم جیسا دیکھ رہے ہوتے ہیں وہ منظر ویسا نہیں ہوتا بلکہ قدے مختلف ہوتا ہے جسے عرف عام میں نظر کا دھوکا بھی کہتے ہیں۔
افریقہ میں واقع ملک کینیا کی ایک ویڈیو سوشل میڈیا پر وائرل ہورہی ہے جس میں کچھ افراد کے سائے میدانی ٹریک پر دوڑتے ہوئے نظر آرہے ہیں، نظروں کو دھوکا دینے والی ویڈیو میں حقیقی افراد کو بڑی مشکل سے دیکھا جاسکتا ہے کیوں کہ ان کے سائے ہی حقیقی لگ رہے ہیں۔
اس سے قبل نیشنل جیوگرافک فوٹو گرافر کرس جونز کی ایک تصویر کافی مشہور ہوئی تھی جس میں انھوں نے بہت اونچائی سے افریقی ملک ڈیجی بوٹی میں صحرا سے گزرتے ہوئے اونٹوں کے سائے کی تصویر کشی کی تھی۔
اس تصویر میں نظر کے دھوکے کی وجہ سے سائے پر اونٹوں کا گمان ہوتا ہے جب کہ حقیقی اونٹ بہت غور سے دیکھنے پر نظر آتے ہیں۔
Long shadows optical illusion
[📹 krynds, Tambach track, Kenya]pic.twitter.com/7738GsEGN0
— Massimo (@Rainmaker1973) August 20, 2023
اب کینیا کے ٹمباخ ٹریک کی ایک ویڈیو سوشل میڈیا پر وائرل ہورہی ہے جس میں کچھ ایتھلیٹ کے سائے دوڑتے ہوئے نظر آرہے ہیں جو کے اصل لگ رہے ہیں جب کہ بغور دیکھنے پر پتا چلتا ہے کہ دوڑنے والے حقیقی افراد کو دیکھنا بڑا مشکل ہے۔
ایسا تب ہوتا ہے جب سورج افق پر نیچے کی جانب ہوتا ہے تو زمین پر جو بننے والے سائے لمبے نظر آتے ہیں۔ دوسرے لفظوں میں کسی بھی چیز کا سایہ بننے کا دارو مدار اس بات پر ہے کہ سورج کی روشنی اس پر کس زاویے سے پڑ رہی ہے۔
