تین ٹیسٹ میچوں کی سیریز کے لیے پاکستان کرکٹ ٹیم آسٹریلیا پہنچ چکی ہے قومی ٹیم نے کینبرا میں بھرپور پریکٹس کی۔
پاکستان کرکٹ ٹیم تین ٹیسٹ میچوں کی سیریز کے لیے آسٹریلیا پہنچ چکی ہے سیریز کا باقاعدہ آغاز 14 دسمبر کو پرتھ ٹیسٹ سے ہوگا تاہم اس سے قبل قومی ٹیم 6 دسمبر سے کینبرا میں پرائم منسٹر الیون کے خلاف چار روزہ پریکٹس میچ کھیلے گی۔
پریکٹس میچ کی تیاری کے لیے قومی ٹیم نے گزشتہ روز کینبرا میں کرکٹ گراؤنڈ کا رخ کیا۔
کھلاڑیوں نے کوچز اور ٹرینرز کی نگرانی میں فزیکل ٹریننگ اور فیلڈنگ کی بھرپور پریکٹس کی جس کی ویڈیو پی سی بی نے اپنے آفیشل ایکس اکاؤنٹ پر شیئر کی ہے۔
Day 0️⃣1️⃣ of Pakistan's preparations in Australia
Team huddle followed by the fielding drills #AUSvPAK | #BackTheBoysInGreen pic.twitter.com/UuAGkbraln
— Pakistan Cricket (@TheRealPCB) December 3, 2023
ویڈیو میں دیکھا جا سکتا ہے کہ کپتان شان مسعود، بابر اعظم، شاہین شاہ آفریدی سمیت اسکواڈ میں شامل تمام کھلاڑیوں نے رننگ کے بعد فیلڈنگ بالخصوص کیچ پکڑنے کی بھرپور پریکٹس کی۔
آسٹریلیا میں بھی بابر اعظم کے دیوانے، ویڈیو دیکھیں
ٹریننگ کے دوران ہی بارش اور ژالہ باری شروع ہوئی تو ٹیم کو بیٹنگ اور بولنگ کی پریکٹس انڈور کرنا پڑی۔