پاکستان کرکٹ ٹیم کے سابق کپتان بابر اعظم جہاں جاتے ہیں ان کے چاہنے والے بھی وہاں پہنچ جاتے ہیں آسٹریلیا کے شہر کینبرا میں بھی کچھ ایسا ہی ہوا۔
پاکستان کرکٹ کے نمبر ایک بیٹر اور سابق کپتان بابر اعظم جہاں جاتے ہیں ان کے چاہنے والے ان کی ایک جھلک دیکھنے کے لیے وہاں پہنچ جاتے ہیں۔ قومی ٹیم تین ٹیسٹ میچوں کی سیریز کے لیے آاسٹریلیا میں موجود ہے جہاں وہ پہلے ٹیسٹ میچ سے قبل چار روزہ پریکٹس میچ کے لیے کینبرا میں ڈیرے ڈال چکی ہے۔
قومی ٹیم ٹریننگ سیشن کے لیے گزشتہ روز کینبرا کے اسٹیڈیم پہنچی تو بابر اعظم کے چاہنے والوں نے بھی وہاں کا رخ کیا اور پاکستانی ہیرو کی ایک جھلک دیکھنے کے لیے بے تاب رہے۔
بابر اعظم کے مداحوں میں نوجوانوں کے ساتھ بچے بھی شامل تھے جنہوں نے ذوق وشوق سے سابق کپتان کے ساتھ سیلفیاں لیں۔ بیٹ، بال اور شرٹس پر آٹو گراف لیے۔
اس دوران بابر اعظم خندہ پیشانی سے اپنے مداحوں سے ملتے اور ان کی چاہت کا پر خلوص مسکراہٹ کے ساتھ جواب دیتے رہے۔
Autograph duties on the sidelines as @babarazam258 makes time for the fans ✍️#AUSvPAK | #BackTheBoysInGreen pic.twitter.com/NwnYS2yFHT
— Pakistan Cricket (@TheRealPCB) December 3, 2023
بابر اعظم کے دیوانوں کی اس ویڈیو کو پاکستان کرکٹ بورڈ نے اپنے آفیشل ایکس اکاؤنٹ پر بھی شیئر کیا جس کو صارفین میں پذیرائی مل رہی ہے۔
اب تک اس ویڈیو کو دو لاکھ کے لگ بھگ صارفین دیکھ چکے ہیں اور ہزاروں پسندیدگی کا اظہار کرنے کے ساتھ تبصرے بھی کر رہے ہیں۔
واضح رہے کہ اس سے قبل گزشتہ ماہ بھارت میں کھیلے گئے ورلڈ کپ کے دوران بھی بابر اعظم کو ان کے مداحوں نے بھرپور پیار اور محبت سے نوازا اور ہر جگہ ان کا شاندار استقبال کیا گیا تھا۔
