نئی دہلی: بھارت میں بس ڈرائیور نے یونیورسٹی طالبہ کو کچل ڈالا جس کی ویڈیو منظرعام پر آگئی۔
بھارتی ریاست گجرات کے ضلع سورٹھ کے مہاراجا سیاجیراؤ یونیورسٹی کے اندر بس ڈرائیور نے 24 سالہ یونیورسٹی طالبہ شیونی سولنگی پر بس چڑھا دی جس کے نتیجے میں وہ ہلاک ہوگئی۔
طالبہ ایم ایس یونیورسٹی کی سائنس فیکلٹی میں ماسٹر آف کیمسٹری کی طالبہ تھی۔
ویڈیو میں دیکھا جاسکتا ہے کہ طالبہ فون پر بات کرتے ہوئے یونیورسٹی کے اندر داخل ہورہی ہے اتنے میں بس ڈرائیور بریک لگانے کی بجائے اس پر بس چڑھا دیتا ہے۔
View this post on Instagram
حادثے کے بعد لڑکی کو فوری طو رپر اسپتال منتقل کیا جہاں وہ زخموں کی تاب نہ لاتے ہوئے دم توڑ گئی۔
یونیورسٹی کی خاتون گارڈ کا کہنا ہے کہ میں طالبہ پر چیخی لینے وہ اپنے موبائل میں مصروف تھی وہ نہیں سن سکی اتنی دیر میں حادثہ ہوگیا۔
واقعے کی اطلاع ملتے ہی طالبہ کے اہلخانہ وڈودرا پہنچ گئے، شیوانی کے والد سوڑتھ میں نجی کمپنی میں ملازمت کرتے ہیں انہوں نے بیٹی کو پڑھائی کے لیے وڈورا بھیجا تھا۔
پولیس نے بس ڈرائیور جیش پرمار کو گرفتار کرکے واقعے کا مقدمہ درج کرلیا۔