شادی کے بعد شوبز انڈسٹری کو خیرباد کہنے والی اداکارہ عائشہ خان نے شوہر میجر عقبہ اور بیٹی ماہ نور کے ہمراہ اپنی سالگرہ موقع پر بنائی گئی ویڈیوز شیئر کردی۔
سابقہ اداکارہ عائشہ خان نے سماجی رابطے کی ویب سائٹ انسٹاگرام پر شوہر میجر عقبہ اور بیٹی ماہ نور کے ہمراہ خوبصورت ویڈیوز شیئر کی جسے مداحوں کی جانب سے خوب سراہا جارہا ہے۔
عائشہ خان کی جانب سے شیئر کی گئی یہ فیملی کی خوبصورت ویڈیوز مداحوں کو خوب بھا رہی ہیں، مداحوں کی جانب سے تصویر پر لائیکس اور دعائیہ کمنٹس کرنے کا سلسلہ جاری ہے۔
ویڈیوز میں دیکھا جاسکتا ہے کہ وہ شوہر میجر عقبہ کے ہمراہ ایک ریسٹورنٹ میں بیٹھی ہیں اور تصویر بنوا رہی ہیں جب کہ ریسٹورنٹ کے باہر وہ اپنی کمسن بیٹی کے ہمراہ فوٹو بنوانے کےلیے پوز دے رہی ہیں۔
عائشہ خان نے اپنی سالگرہ کے موقع پر بنائی گئی ویڈیوز شیئر کرتے ہوئے کیپشن لکھا کہ ’میں ہمیشہ کوشش کرتی ہوں کہ فیملی کے ساتھ تصاویر لوں‘ انہوں نے #birthdaycelebrations کا ہیش ٹیگ بھی استعمال کیا۔
واضح رہے کہ سابقہ اداکارہ عائشہ عقبہ ملک 27 ستمبر 1982 کو پیدا ہوئی تھیں۔
