نئی دہلی: بھارت کے ایک گاؤں میں کروناوائرس کے خطرے کے پیش نظر لوگوں نے دیہاتی کو بے دخل کردیا۔
غیرملکی میڈیا کے مطابق بھارتی شہر نبادویپ کے دیہاتی علاقے میں رہنے والا شخص اپنے رشتے داروں سے ملنے دوسرے گاؤں گیا جہاں سے واپسی پر اسے بخار ہوگیا۔
بعد ازاں گاؤں والوں نے اسے اپنے گاؤں میں ہی گھسنے کی اجازت نہیں دی جس پر اس نے کشتی کو قرنطینہ بنا دیا۔ مذکورہ شخص کا کہنا ہے کہ بخار ہونے پر اس نے ڈاکٹر سے رجوع کیا۔
WB: An elderly man from Nabadwip in Nadia Dist has quarantined himself on a river boat, says, "I had fever after visit to a relative’s place in Habibpur. Villagers here didn’t allow me to enter the village. On doctor’s advice to quarantine for 14days, I took shelter on the boat” pic.twitter.com/NTHH3jxNzD
— ANI (@ANI) April 2, 2020
ڈاکٹر نے مشورہ دیا کہ وہ 14 دن تک سیلف آئسولیشن اختیار کرے، تاہم گاؤں میں داخلے کی اجازت نہ ملنے پر اس نے کشتی کو ہی قرنطینہ میں تبدیل کردیا ہے جہاں اس نے تمام لوگوں سے اپنا رابطہ منقطع کیا ہوا ہے۔
خیال رہے کہ مذکورہ دیہاتی کا نام اور کروناوائرس ٹیسٹ سے متعلق کوئی تفصیل سامنے نہیں آئی۔