پٹنہ : بھارت میں خاتون پر ہونے والے تشدد نے لوگوں کے دل دہلا دیئے، سوشل میڈیا پر وائرل ہونے والی ویڈیو دیکھ کر لوگ بھی خوفزدہ ہوگئے۔
بھارتی ریاست بہار کے شہر پٹنہ میں تشدد کی ویڈیو منظر عام پر آنے کے بعد سوشل میڈیا صارفین نے اس کے حق میں آواز بلند کردی، پولیس کو بھی ایکشن لینا پڑگیا۔
سوشل میڈیا پر تیزی سے وائرل ہونے والی ویڈیو میں ایک شخص گھوڑے کو مارنے کیلئے استعمال ہونے والے کوڑے سے ایک عورت کو مارتا اور گالیاں دیتا نظر آرہا ہے، خاتون کو بھاگنے کو بھی کہا جارہا ہے۔
اس ویڈیو کے بارے میں بتایا جارہا ہے کہ مذکورہ خاتون کو کوڑے سے مارنے والا نوجوان علاقے کی بااثر شخصیت کا رشتہ دار ہے۔ جو ابھے پٹیل بیلدور تھانہ علاقہ کے پنسلوا گاؤں کا رہنے والا ہے۔
JDU MLA’s nephew whips, verbally abuses a woman in Bihar’s Khagaria
(Abusive language, viewers’ discretion advised) pic.twitter.com/53RfxDRogA
— The New Indian (@TheNewIndian_in) June 17, 2023
ویڈیو وائرل ہونے کے بعد پولیس حکام نے نوٹس لیتے ہوئے بیلدور پولیس اس معاملہ میں قانونی کارروائی کرنے کا حکم دیا جس کے بعد ملزم کیخلاف مقدمہ درج کرلیا گیا ہے۔
بھارتی میڈیا کے مطابق گاؤں کا ایک نوجوان یوپی کی لڑکی سے شادی کرکے اسے گاؤں لے آیا۔ اس کے بعد لڑکا دوبارہ کسی دور دراز علاقے میں مزدوری کرنے چلا گیا۔ اس دوران وہ خاتون گاؤں میں ہی رہ رہی تھی، تفتیش میں واضح ہوگا کہ نوجوان نے خاتون پر س طرح بے رحمانہ تشدد کیوں کیا؟۔
