The news is by your side.

پالتو کتے کی سالگرہ کی ویڈیو وائرل کیوں ہوگئی؟

بھارت میں عجیب و غریب واقعات کی خبریں سوشل میڈیا کی زینت بن جاتی ہیں جسے دیکھ کر صارفین بھی دنگ رہ جاتے ہیں۔

ایسی ہی ایک ویڈیو سوشل میڈیا پر وائرل ہورہی ہے جس میں دیکھا جاسکتا ہے کہ بھارتی ریاست کرناٹک سے تعلق رکھنے والے شہری کی جانب سے پالتو کتے (کرش) کی سالگرہ منائی جارہی ہے۔

شیوپا یلپا مارادی نامی شخص نے حال ہی میں اپنے پالتو کتے کی سالگرہ کے لیے ایک شاندار تقریب کا اہتمام کیا۔

سالگرہ کی تقریب کے لیے اس شخص نے ایک دو نہیں بلکہ پورے 100 کلو کا کیک بنوایا اور پالتو کتے کی سالگرہ کے لیے مہمانوں کو بھی مدعو کیا گیا۔

ویڈیو میں دیکھا جاسکتا ہے کہ کتا کرش کیک کے سامنے تمام لوگوں کے درمیان کھڑا ہے جس کے سر پر جامنی رنگ کی خوبصورت ٹوپی بھی پہنائی ہوئی ہے اور مہمان بھی تالیاں بجا کر کرش کو کیک کھلا رہے ہیں۔

وائرل ویڈیو پر سوشل میڈیا پر صارفین کی جانب سے بھی دلچسپ ردعمل دیا جارہا ہے۔

ایک صارف نے مسکراتے ہوئے لکھا کہ ’کرش بہت خوش قسمت ہے۔‘ ایک دوسرے صارف نے کتے کی خوبصورتی کی تعریف کی۔‘

Comments

یہ بھی پڑھیں