ناخن بنانے والے آرٹسٹ نے ایسا مصنوعی ناخن تیار کرلیا جس کی مدد سے خواتین چائے بھی چھان سکتی ہیں۔
ناخن بڑھانے اور خوبصورت مصنوعی ناخن لگانے کا شوق تمام خواتین بالخصوص نوجوان لڑکیوں کو ہوتا ہے لیکن اب ایسا مصنوعی ناخن بھی تیار کرلیا گیا ہے جس کی مدد سے چائے بھی چھانی جاسکتی ہے۔
فوٹو اور ویڈیو شیئرنگ ایپ انسٹاگرام پر شیئر ہونے والی ویڈیو میں دیکھا جاسکتا ہے کہ ایک ناخن آرٹسٹ نے اپنے انگوٹھے پر لگے ہوئے ناخن میں مشین کی مدد سے سوراخ کیا اور اس میں بڑی صفائی سے چائے کی چھننی لگائی۔
آرٹسٹ نے چھننی لگانے کے بعد چائے چھان کر دکھائی جس میں چائے چھننے کے بعد چھننی میں ایک الائیچی بھی پھنس گئی، ویڈیو سوشل میڈیا پلیٹ فارم پر دیکھتے ہی دیکھتے وائرل ہوگئی۔
Comments
- Advertisement -
