بھارت میں یوٹیوبر کو اپنے نانا کی آخری رسومات کا وی لاگ بنانا مہنگا پڑ گیا۔
بھارتی یوٹیوبر لکشمے چوہدری نے اپنے نانا کی آخری رسومات کو وی لاگ کے طور پر فلمایا اور اسے یوٹیوب پر اپ لوڈ کیا جس کے بعد سوشل میڈیا صارفین نے اسے آڑے ہاتھوں لے لیا۔
لکشے چوہدری کی جانب سے ایک ویڈیو اپنے یوٹیوب چینل پر پوسٹ کی گئی جس میں وہ آخری رسومات میں شریک بچوں اور رشتے داروں سے نانا کی موت سے متعلق بات کررہے ہیں۔
تین دن قبل پوسٹ کی گئی ویڈیو کو ایک لاکھ پانچ ہزار مرتبہ دیکھا جاچکا ہے، جہاں سوشل میڈیا صارفین کی جانب سے یوٹیوبر کے نانا کی وفات پر افسوس کا اظہار کیا گیا وہیں ٹوئٹر صارفین نے یوٹیوبر پر سخت تنقید کی۔
Earlier he used this thumbnail 🤡🤡 pic.twitter.com/8OgS9fwoT8
— Dr Nimo Yadav (@niiravmodi) March 20, 2023
ایک صارف کی جانب سے ٹوئٹر پر یوٹیوبر کی ویڈیو کے تھمبنیل کا اسکرین شاٹ شیئر کیا گیا اور ساتھ ہی طنزیہ انداز میں لکھا گیا کہ ‘کانٹینٹ کریئٹر’۔
کچھ صارفین کا کہنا تھا کہ چاہے آپ یوٹیوبر ہوں یا جو بھی ہوں، آپ کے اندر اتنی سمجھ ہونی چاہیے کہ انٹرنیٹ پر کیا پوسٹ کرنا ہے اور کیا نہیں۔