The news is by your side.

Advertisement

وژن 2030: سعودی عرب کا ایک اور بڑا قدم

ریاض: سعودی عرب میں وژن 2030 کے تحت ڈیجیٹل گیمز کیلئے ایسوسی ایشن کا قیام عمل میں لایا گیا ہے۔

عرب میڈیا کی رپورٹ کے مطابق مملکت میں یہ ایسوسی ایشن ڈیجیٹل گیمز کے ضابطہ اخلاق متعین کرے گی، یہ ناصرف سعودی عرب بلکہ دیگر خلیجی ممالک کے لیے منفرد ادارہ ہے، ڈیجیٹل گیمز کے ماہرین کا ایک گروپ اس تنظیم کا حصہ ہے جس کا مقصد ڈیجیٹل گیمز کی صنعت کو فروغ دینا ہے۔

ڈیجیٹل گیمز ایسوسی ایشن کے بانی اور گیمز انڈسٹری کے تکنیکی گروپ کے رہ نما انجینیر حسین الجریبی کا کہنا ہے کہ اس ادارے کو مختلف پیشہ ورانہ تخلیقی شعبوں اور وزارت مواصلات کی نگرانی میں چلایا جائے گا۔

Saudi Arabia goes into 'Game Mode' to enhance booming gaming sector -  Arabianbusiness

انہوں نے بتایا کہ دنیا بھر میں ڈیجیٹل گیمز کی ترقی اور اس ضمن میں متعدد کمپنیوں کا قیام مذکورہ سیکٹر کو بڑے تفریحی پلیٹ فارم کے طور پر پیش کیا ہے۔

Saudi Arabia goes into 'Game Mode' to enhance booming gaming sector -  Arabianbusiness

حسین الجریب کا کہنا تھا کہ ہم نے ایک ایسی تنظیم کی داغ بیل ڈالی ہے جو ڈیجیٹل گیمز کے شعبے میں ماہرین کی خدمات فراہم کرے گی اور اس سے الیکٹرانک گیمز میں دلچسپی رکھنے والے مردو خواتین کو رہ نمائی ملے گی۔

انہوں نے کہا کہ ایسوسی ایشن کا مقصد معاشرے کے افراد میں ڈیجیٹل گیمز کھیلنے کے بارے میں شعور اجاگر کرنا، اس میں دلچسپی رکھنے والے اور اس کی صنعت کے شعبے میں کام کرنے کے خواہش مند افراد کو سپورٹ کرنا ہے۔

تنظیم کے بانی کا مزید کہنا تھا کہ ایسوسی ایشن کے تحت اہم اقدامات اٹھائیں گے۔

Comments

یہ بھی پڑھیں