ممبئی: بالی وڈ کے معروف اداکار وویک اوبرائے نے فلم انڈسٹری کا اصل چہرہ بے نقاب کرتے ہوئے اداکارہ پریانکا چوپڑا کے انکشافات کو درست قرار دے دیا۔
حال ہی میں پریانکا چوپڑا نے اپنے ایک انٹرویو کے دوران بالی وڈ میں گزارے اُن تلخ دنوں کا ذکر کیا تھا جن کی وجہ سے انہیں انڈسٹری کو خیرباد کہنا پڑا۔ ان کے انکشافات کے بعد ایک ہنگامہ برپا ہوا جس پر اب بھی تبصرے کیے جا رہے ہیں۔
آج وویک اوبرائے نے اپنے ایک انٹرویو میں بالی وڈ سے متعلق بتایا کہ ’خوشی ہے کہ میں انڈسٹری سے دور ہوگیا اور ایک آزمائش سے بچ نکلا لیکن ہر کوئی اتنا خوش قسمت نہیں ہوتا۔‘
اداکار نے بتایا کہ میں بہت سی ایسی چیزوں سے گزرا جو غیر ضروری تھیں، ان میں بہت سی لابیاں اور کہانیاں ہیں جن کا ذکر پریانکا چوپڑا نے ایک انٹرویو میں کیا، بدقسمتی سے یہ ہماری انڈسٹری کی پہچان بن گئی۔
انہوں نے مہینوں تک کام نہ ملنے کا ذکر کرتے ہوئے میں بتایا کہ مجھے فلم ’شوٹ آؤٹ ایٹ لوکھنڈ والا‘ میں بہترین اداکاری کے عوض ایوارڈ ملیا یہ فلم باکس آفس پر کامیاب رہی لیکن اس کے بعد مجھے 14 مہینے تک گھر بیٹھنا پڑا کیونکہ کام نہیں مل رہا تھا۔
’جب میں اس مشکل وقت سے گزر رہا تھا تو سوچا کچھ نیا کروں، میں کچھ ایسا کرنے کا سوچ رہا تھا جو مجھے آگے لے جائے۔‘
انٹرویو میں اداکار نے مزید کہا کہ بالی وڈ ایک بہت ہی غیر محفوظ جگہ ہے جہاں فنکار کمزور ہونے کی وجہ سے بہت نازک حالت میں رہتے ہیں۔
