پاکستان کے مشہور وی لاگر محمد شیراز نے یوٹیوب چینل پر اپنے پسندیدہ کرکٹر کا نام بتادیا۔
وی لاگر محمد شیراز نے ویڈیو میں بتایا کہ دنیا کے تیز ترین بولر شعیب اختر ان کے پسندیدہ کرکٹرز ہیں اور وہ انہیں سب سے زیادہ پسند کرتے ہیں۔
اختر کے نام کا صحیح طور پر تلفظ نہ کرنے کے باوجود شیراز نے کہا کہ وہ ’انتہائی خطرناک‘ تھا۔
واضح رہے کہ شعیب ختر نے 2003 میں کیپ ٹاؤن میں انگلینڈ کے خلاف ورلڈ کپ میچ میں 161.3 کلو میٹر فی گھنٹہ کی رفتار سے تیز گیند کی تھی۔
انہوں نے اپنا ٹیسٹ ڈیبیو ویسٹ انڈیز کے خلاف راولپنڈی میں 1997 میں کیا تھا۔
شعیب اختر نے ورلڈ کپ 2011 کے دوران انٹرنیشنل کرکٹ سے ریٹائرنٹ لی تھی، انہوں نے 46 ٹیسٹ اور 247 ون ڈے میچز میں قومی ٹیم کی نمائندگی کی اور ان کا کیریئر انجری اور تنازع سے متاثر رہا۔
دوسری جانب چھ سالہ شیراز یوٹیوب چینل ’شیرازی ولیج وی لاگز‘ کے عنوان سے دلکش ویڈیوز اپ لوڈ کرتے ہیں، ان کا دعویٰ ہے کہ وہ پاکستان کے سب سے کم عمر یوٹیوبر ہیں۔
