شوبز انڈسٹری کی ابھرتی ہوئی اداکارہ قدسیہ علی کی ’جوان‘ کے گانے ’چلیا‘ پر پرفارم کرنے کی ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ قدسیہ علی نے شاہ رخ خان کی فلم جوان کے مشہور گانے ’چلیا‘ پر ڈانس کرنے کی ویڈیو شیئر کی۔
قدسیہ علی نے ویڈیو شیئر کرتے ہوئے کیپشن میں ’چلیا‘ لکھا۔ ویڈیو میں اداکارہ کو گانے ’چلیا‘ پر رقص کرتے دیکھا جاسکتا ہے۔
واضح رہے کہ شاہ رخ خان کی فلم جوان کے گانے ’چلیا‘ میں اریجیت سنگھ، شلپا راؤ اور انیرود روی چندر نے اپنی آواز کا جادو جگایا ہے۔
قدسیہ علی نے گزشتہ دنوں یہ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
تاہم کچھ مداح ایسے بھی تھے جنہوں نے قدسیہ علی کو تنقید کا نشانہ بنایا۔
واضح رہے کہ قدسیہ علی نے اے آر وائی ڈیجیٹل کے ڈرامہ سیریل ’کچھ ان کہی‘ میں اداکاری کے جوہر دکھائے تھے جس کی دیگر کاسٹ میں سجل علی، بلال عباس ودیگر شامل تھے۔
اداکارہ ڈرامہ سیریل بیٹیاں، اولاد اور فلم کھیل کھیل میں بھی اداکاری کے جوہر دکھا چکی ہیں۔
