متحدہ عرب امارات کے خلا باز سلطان النیادی نے انٹرنیشنل خلائی اسٹیشن سے سمندری طوفان بپر جوائے کی ویڈیو شیئر کردی۔
سماجی رابطے کی ویب سائٹ ٹوئٹر پر اماراتی خلا باز سلطان النیادی نے بحیرہ عرب کے طوفان بپر جوائے کی ویڈیو شیئر کی جبکہ یہ طوفان ممکنہ طور پر 15 جون کو پاکستان اور بھارت کے ساحلی علاقوں سے ٹکرائے گا۔
اماراتی خلا باز نے اپنی ٹوئٹ میں کہا کہ انہوں نے بحیرہ عرب میں سمندری طوفان کو کیمرے کی آنکھ میں محفوظ کیا ہے۔
ان کا کہنا تھا کہ آئی ایس ایس نے انہیں متعدد قدرتی مظاہر کا منفرد نظارہ کرنے کا موقع فراہم کیا جس سے زمین پر موسم پر نظر رکھنے والے ماہرین کو مدد مل سکے گی۔
Watch as a tropical cyclone forms over the Arabian Sea from these views I captured.
The ISS provides a unique perspective on several natural phenomena, which can assist experts on Earth in weather monitoring.🌩️🌀
Stay safe, everyone! pic.twitter.com/dgr3SnAG0F
— Sultan AlNeyadi (@Astro_Alneyadi) June 13, 2023
واضح رہے کہ آئی ایس ایس میں موجود افراد کو اکثر موسمی حالات کی ویڈیوز بنانے کا کہا جاتا ہے تاکہ ماہر موسمیات حالات کو زیادہ بہتر طریقے سے مانیٹر کر سکیں۔
یاد رہے کہ اماراتی خلاباز سلطان النیادی اس وقت بین الاقوامی اسپیس اسٹیشن میں ناسا کے 6 ماہ طویل مشن پر موجود ہیں اور وہیں سے وہ اپنے ٹوئٹر اکاؤنٹ سے باقاعدہ اپ ڈیٹس شیئر کرتے رہتے ہیں۔
