کراچی: شہر قائد کے علاقے اورنگی ٹاؤن میں ایک واٹر ٹینکر نے موٹر سائیکل اسنیچر کو کچل کر مار ڈالا۔
تفصیلات کے مطابق اورنگی ٹاؤن میں 2 ڈکیت ایک شہری سے موٹر سائیکل چھیننے کی واردات کر رہے تھے کہ ایک واٹر ٹینکر ڈرائیور نے لوٹ مار کرنے والے ڈاکوؤں پر گاڑی چڑھا دی۔
ایس ایس پی ویسٹ شاد ابن مسیح کے مطابق دو ڈکیت شہری سے 125 موٹر سائیکل چھین رہے تھے، کہ سامنے سے آنے والے ٹینکر نے ڈاکوؤں کو بری طرح ٹکر مار دی، ایک ڈکیت تو فرار ہو گیا تاہم دوسرا ٹینکر کی زد میں آکر ہلاک ہو گیا۔
پولیس حکام کے مطابق فرار ہونے والا ڈاکو لوٹ مار کیے بغیر ہی فرار ہو گیا، اس سلسلے میں مزید تفتیش کی جا رہی ہے، اور فرار ڈاکو کی تلاش بھی کی جا رہی ہے۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔