ملتان: کوئٹہ گلیڈی ایٹرز کے جارح مزاج بیٹسمین شین واٹس نے پی ایس ایل میں سب سے زیادہ چھکے لگانے کا ریکارڈ اپنے نام کر لیا۔
انہوں نے یہ سنگ میل ملتان میں کھیلے گئے پی ایس ایل کے بارہیوں میچ میں عبور کیا، واٹسن نے ملتان سلطانز کے بولر عمران طاہر کو 14 ویں اوور میں چھکا جڑ کر پی ایس ایل میں سب سے زیادہ چھکے لگانے کا ریکارڈ کامران اکمل سے چھین لیا۔
کامران اکمل 73 چھکوں کے ساتھ ٹاپ پر تھے تاہم ملتان کے خلاف 80 رنز کی دھواں دھار اننگز میں واٹسن نے 7 چھکے لگائے اور سب سے زیادہ چھکے لگانے والے بیٹسمین کا اعزاز حاصل کر لیا۔
INSANITY!
What do you call that? Absurd hitting from Watto!#HBLPSLV #MSvQG pic.twitter.com/qwpIZh93mE
— PakistanSuperLeague (@thePSLt20) February 29, 2020
یہ بھی پڑھیں: پی ایس ایل کا سب سے بڑا ریکارڈ، نئی تاریخ رقم
پی ایس ایل میں شین واٹسن نے مجموعی چھکوں کی تعداد 75 ہوگئی ہے، جب کہ وہ سب سے زیادہ رنز بنانے والے کھلاڑیوں میں دوسرے نمبر پر ہیں۔
BRUTAL!
What a six from Shane Watson! Bilawal Bhatti deposited over the ropes! #MSvQG #HBLPSLV pic.twitter.com/Lty2DWg3va
— PakistanSuperLeague (@thePSLt20) February 29, 2020
زیادہ رنز بنانے کی فہرست میں بھی کامران اکمل 1459 رنز کے ساتھ پہلی پوزیشن پر براجمان ہیں، شین واٹس 1253 رنز کے ساتھ دوسرے اور کراچی کنگز کے بابر اعظم 1160 رنز کے ساتھ تیسرے نمبر پر ہیں۔
اس سے قبل بارہیویں میچ میں ملتان سلطانز کے تجربہ کار بیٹسمین رائلی روسو نے پاکستان سپر لیگ میں تیز ترین سنچری بنا کر نئی تاریخ رقم کی تھی۔ روسو نے جارحانہ بیٹنگ کرتے ہوئے 43 گیندوں پر سنچری بنائی جو کہ پی ایس ایل کی تاریخ کی تیز ترین سنچری ہے۔
