چار سال بعد ٹیسٹ ٹیم میں واپسی پر 3 نصف سنچریا اور ایک سنچری بنا کر سلیکشن کو درست ثابت کرنے والے سرفرازاحمد کی کارکردگی کو بھرپور سراہا جا رہا ہے۔
آل راؤنڈر شاداب خان نے سرفراز احمد کے ساتھ اپنی تصویر شیئر کرتے ہوئے ٹوئٹر پر لکھا کہ بیان نہیں کر سکتا سیفی بھائی ہماری جنریشن کیلئےکیا ہیں ہم نےسیفی بھائی سےلیڈرشپ اور ٹیم اسپرٹ اور لڑنا سیکھا ہے۔
شاداب نے لکھا کہ نتیجہ ڈرا رہا مگر یہ ایک بہترین ٹیسٹ میچ تھا، دونوں ٹیموں نے بھرپور فائٹ کی۔
فاسٹ بولر محمد عامر نے ٹوئٹ میں لکھا کہ سرفرازا احمد حقیقی چیمپئن ہیں زبردست باری کھیلی اللہ نطرِبد سے بچائے۔
وکٹ کیپر بلے باز کامران اکمل نے سرفرازاحمد کی تعریف کرتے ہوئے کہا کہ ٹھیک وقت پر بہترین سنچری بنائی۔
سابق اسپنر سعید اجمل نے لکھا کہ اگر سرفراز آوٹ نہ ہوتے تو پاکستان میچ جیت جاتا، کلاس سنچری بنائی جس پر ان کے لیے تالیاں۔