واشنگٹن: امریکا میں کار پارکنگ کے تنازع پر غصیلے شہری نے آتش بار آلہ (flamethrower) سے حملہ کردیا۔
غیرملکی خبررساں ادارے کی رپورٹ کے مطابق یہ ہولناک واقعہ امریکی ریاست فلوریڈا میں پیش آیا جہاں غلط پارکنگ کے معاملے پر لوگوں کی آپس میں تلخ کلامی ہوئی۔
بعد ازاں ایک شخص نے اپنے گھر کے اطراف سے گاڑی ہٹانے کے لیے آگ اگلنے والا آلہ استعمال کیا، شہری کار کے اندر موجود تھے جس کے باعث ان کی جان بچ گئی، پولیس نے شکایت پر ملزم کو گرفتار کرلیا۔
پولیس نے بتایا کہ گرفتار شہری ایک خاندان کے ساتھ پارکنگ کو لے کر الجھ پڑا تھا، فیملی کے تمام افراد گاڑی میں ہی موجود تھے، ملزم نے آگ بگولہ ہوکر مذکورہ ‘ہتھیار’ کا استعمال کیا۔
مقامی پولیس کا یہ بھی کہنا تھا کہ گاڑی میں کم عمر بچے اپنی والدہ کے ساتھ موجود تھے جب حملہ ہوا، ملزم کو گرفتار کرکے اقدام قتل کا مقدمہ کیا گیا ہے۔
خیال رہے کہ ‘فلیم تھوور’ کو مختلف مقاصد کے لیے استعمال کیا جاتا ہے، سرد ترین ممالک میں یہ برف پگھلانے کے کام آتا ہے، اس آتش بار آلے میں 20 فٹ کے فاصلے تک آگ اگلنے کی صلاحیت ہوتی ہے۔
