The news is by your side.

Advertisement

برطانوی وزیراعظم کی حالت کیسی ہے؟ وزیرخارجہ نے بتا دیا

لندن: برطانوی وزیرخارجہ ڈومینک راب نے کہا ہے کہ وزیراعظم بورس جانسن آئی سی یو میں ہیں، جلد ٹھیک ہوکر عوام میں آئیں گے، ان کی جگہ میں ذمے داریاں سنبھال رہا ہوں۔

تفصیلات کے مطابق برطانوی وزیر خارجہ کا پریس کانفرنس کرتے ہوئے کہنا تھا کہ وزیراعظم نے مجھے اپنی جگہ ذمے داریاں ادا کرنے کا کہا ہے۔ بورس جانسن نہ صرف ہمارے بوس بلکہ دوست بھی ہیں۔

انہوں نے کہا کہ بورس جانسن فائٹر ہیں، جلد واپس آئیں گے، ہماری ترجیح کروناوائرس کے پھیلاؤ کو روکنا ہے، ہم درست وقت پر صحیح فیصلے کررہے ہیں، 18 ہزار سے زائد افراد کرونا وائرس سے اسپتال میں داخل ہیں۔

ڈومینک راب کا مزید کہنا تھا کہ عوام حکومت کی ہدایت پر عمل کریں، گھر پر رہیں۔

کرونا وائرس، برطانوی وزیراعظم کو آئی سی یو منتقل کردیا گیا

خیال رہے کہ کرونا وائرس میں مبتلا برطانوی وزیراعظم کو طبیعت بگڑنے پر آئی سی یو میں منتقل کیا گیا ہے، بورس جانسن لندن کے سینٹ تھا مسز اسپتال میں زیر علاج ہیں۔ برطانوی وزیراعظم نے ہدایت کی ہے کہ طبیعت سنبھلنے تک وزیر خارجہ ڈومینک راب میری ذمہ داریاں ادا کریں گے۔

آج سہ پہر کے دوران بورس جانسن کی حالت مزید خراب ہوئی اور انہیں طبی ٹیم کے مشورے پر آئی سی یو منتقل کیا گیا ہے۔ البتہ انہوں نے شہریوں سے اپیل کی ہے کہ وہ احتیاطی تدابیر اپنائیں۔

fb-share-icon0
Tweet 20

Comments

comments

یہ بھی پڑھیں