The news is by your side.

Advertisement

واٹس ایپ: نئے زبردست فیچرز کا اضافہ

واٹس ایپ کے شائقین کے لیے خوش خبری ہے کہ ایپ میں 2 نئے اور زبردست فیچرز کا اضافہ کیا جا رہا ہے۔

واٹس ایپ استعمال کرنے والوں کی سہولت کے لیے جو پہلا فیچر متعارف کرایا جا رہا ہے وہ ہے میوٹ ویڈیوز کا، نام ہی سے ظاہر ہے کہ اب ویڈیو بغیر آواز کے بھی بھیجی جا سکے گی۔

میوٹ ویڈیوز (mute the video)

اس فیچر کی مدد سے صارفین کسی دوست کو بھیجی جانے والی ویڈیو یا اسٹیٹس اپ ڈیٹ میں کسی ویڈیو کو اپ لوڈ کرتے ہوئے اسے میوٹ کر سکیں گے، اس فیچر کے تحت جب کسی ویڈیو کو سلیکٹ کیا جائے گا تو اس میں میوٹ آپشن نظر آئے گا، اس کو سلیکٹ کرنے پر ویڈیو بغیر آواز کے جائے گی۔

whatsapp mute video audio screenshot wabetainfo WhatsApp

اس کارآمد فیچر کی وجہ سے اب صارفین کو ایڈیٹنگ ایپ کی ضرورت نہیں پڑے گی، اور وہ اپنی خواہش کے مطابق بعض ویڈیوز بغیر آواز کے بھی بھیج سکیں گے، جن کے بارے میں وہ چاہتے ہوں کہ غیر ضروری آوازیں دیگر افراد تک نہ پہنچیں۔

اس فیچر کے تحت آڈیو کو براہ راست ہی اسمارٹ فون گیلری سے میوٹ کیا جا سکے گا۔

رِیڈ لیٹر (Read Later)

جو دوسرا زبردست فیچر واٹس ایپ میں شامل ہونے جا رہا ہے، وہ ہے ’بعد میں پڑھیں‘ جس پر میسجنگ اپلیکیشن کی جانب سے کام جاری ہے، یہ فیچر بنیادی طور پر نیا نہیں بلکہ واٹس ایپ میں آرکائیو چیٹس کی جگہ لے گا۔

واضح رہے کہ واٹس ایپ میں کسی چیٹ کو آرکائیو میں بھیجنے کے باوجود وہ نیا میسج آنے پر پھر مین فیڈ پر نمودار ہو جاتی ہے، اس کے تدارک کے لیے ویکیشن موڈ نامی فیچر پر کام شروع کیا گیا جو چیٹ کو بدستور آرکائیو میں رکھنے میں مدد دیتا ہے۔

تاہم اب آرکائیو چیٹس فیچر کی جگہ رِیڈ لیٹر نامی فیچر لے گا جو کہ پہلے سے زیادہ بہتر ہوگا، اس کی مدد سے صارف آرکائیو سے چیٹس کو نکالنا چاہے گا تو وہ ایک سے زیادہ چیٹس کو فوری طور پر نکال سکے گا۔

ایک نیا آپشن ایڈٹ آرکائیو سیٹنگز کا بھی اس سے جڑا ہوگا، یعنی صارف اگر چاہے گا تو ویکیشن موڈ کو اس نئی سیٹنگز سے ٹرن آف کر سکے گا۔

یہ فیچرز جلد ہی صارفین کے لیے دستیاب ہوں گے۔

Comments

یہ بھی پڑھیں