دبئی: یو اے ای میں واٹس ایپ ویڈیو اور آڈیو کالنگ کے فیچرز بحال ہوگئے۔
میڈیا رپورٹس کے مطابق واٹس ایپ کے فیچرز بحال ہونے کے بعد یو اے ای کے شہری موبائل نیٹ ورکس اور وائی فائی استعمال کرتے ہوئے ویڈیو اور آڈیو کالز کی سہولت استعمال کرسکتے ہیں۔
تاہم یہ ابھی واضح نہیں کہ واٹس ایپ کے یہ فیچر مستقل طور پر بحال ہو گئے ہیں یا پھر کچھ دنوں بعد بند ہو جائیں گے کیوں کہ وی او آئی پی سروسز کے حوالے سے حکومت کی پالیسی میں کوئی تبدیلی نہیں ہوئی اور نہ ہی ان فیچرز کی بحالی کے حوالے سے واٹس ایپ کی نے کوئی باضابطہ اعلان بھی نہیں کیا۔
عرب ویب سائٹ کے مطابق دبئی کے شہریوں کو جب اس بات کا علم ہوا تو اُن میں خوشی کی لہر دوڑ گئی اور وہ اس سہولت سے فوری طور پر فائدہ اٹھانے لگے اور ساتھ ہی اپنے عزیز و اقارب کو بھی اس سروس سے آگاہ کیا۔
یاد رہے دبئی میں غیرملکی باشندوں کی بہت بڑی تعداد نوکری پیشہ اور رہائش پذیر ہے جن میں خاصی بڑی تعداد ایشیائی مزدوروں کی بھی ہے، دبئی میں سخت محنت کرنے والے مزدور اور نوکری پیشہ افراد اپنے اہل خانہ اور دوستوں سے رابطے کے لیے کالنگ کارڈ یاپھر دیگر سہولیات استعمال تاہم میسجنگ کے لیے اکثر لوگ واٹس ایپ ہی استعمال کرتے ہیں۔
یہ بھی پڑھیں: واٹس ایپ پر خبریں پڑھنے کا رجحان بڑھ گیا، نئی تحقیق
واٹس ایپ موبائل کی وہ معروف مسیجنگ ایپ ہے جس کے دنیا بھر میں کرڑوں کی تعداد میں صارفین موجود ہیں اور روزانہ ان کی تعداد میں اضافہ بھی ہورہا ہے، دبئی میں واٹس ایپ کی کالنگ سروس نہ ہونے سے وہاں کے مقامی اور رہائشی باشندے مایوسی کا شکار تھے تاہم اس فیچرز کے آنے کے بعد پُرمسرت ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
