The news is by your side.

Advertisement

صارفین کو جلد بڑی مشکل سے چھٹکارا ملنے کا امکان، واٹس ایپ فیچر پر کام شروع

سان فرانسسکو: پیغام رسانی کے لیے استعمال ہونے والی موبائل ایپلیکیشن واٹس ایپ نے صارفین کو منفرد سہولت دینے کا فیصلہ کرلیا۔

واٹس ایپ نے صارفین کی مشکلات کو مدنظر رکھتے ہوئے نئے فیچر پر کام شروع کیا ہے جس کے تحت اب چیٹ پر موصول ہونے والی تصاویر اُن کے موبائل کی میموری کو نہیں گھیریں گی۔

اپنے دوستوں سے رابطے رکھنے کے لیے واٹس ایپ استعمال کرنے والے صارفین کو دوستوں اور گروپ پر موصول ہونے والی تصاویر کے حوالے سے شکایت تھیں کہ وہ موبائل فون کی میموری کو کم کرتی ہیں۔

مزید پڑھیں: واٹس ایپ چیٹ ونڈو میں بڑی تبدیلی

واٹس ایپ نے شکایت کو مدنظر رکھتے ہوئے صارفین کے لیے سسٹم متعارف کرایا تھا جس کے تحت انہیں کسی بھی تصویر یا ویڈیو کو ڈاؤن لوڈ کرنے کے لیے خصوصی اجازت دینا ہوتی تھی۔

واٹس ایپ پر گہری نظر رکھنے والے ادارے ڈبلیو اے بیٹا انفو کی رپورٹ کے مطابق کمپنی نے نئے فیچر پر کام شروع کردیا ہے جس کے تحت اب گروپ یا کسی دوست کی جانب سے بھیجی گئی تصویر ایک بار دیکھنے کے بعد خود بہ خود ختم ہوجائے گی۔

یہ بھی پڑھیں: واٹس ایپ صارفین روزانہ کتنے پیغامات بھیجتے ہیں؟‌ حیران کن اعداد و شمار

اطلاعات ہیں کہ کمپنی اس فیچر کو ’سیلف ڈسٹرکٹنگ‘ کا نام دے گی جس کے تحت صارف موصول ہونے والی تصاویر اور ویڈیو کا خود انتخاب کرے گا اور پھر یہ ایک بار دیکھنے کے بعد ختم ہوجائیں گی۔

سیلف ڈسٹرکٹنگ قرار دی گئی تصاویر گیلری میں ایکسپورٹ نہیں ہوں گی اور ایک بار ونڈو بند کرنے کے بعد یہ خود بہ خود غائب ہوجائیں گی۔

ڈبلیو اے بیٹا کی جانب سے فراہم کی جانے والی معلومات کے مطابق واٹس ایپ چیٹ کے اسکرین شارٹ پر اس فیچر کا اطلاق نہیں ہوگا۔ اس فیچر کو پہلے مرحلے میں اینڈرائیڈ اور آئی او ایس ورژن استعمال کرنے والے صارفین کے لیے آزمائشی طور پر متعارف کرایا جائے گا۔

اطلاعات ہیں کہ انسٹاگرام کے ڈائریکٹ میسجز کے لیے بھی اسی فیچر کو متعارف کرانے پر غور کیا جارہا ہے۔

Comments

یہ بھی پڑھیں