پاکستان کے سابق وزیر اعظم شاہد خاقان عباسی نے کہا ہے کہ نئی جماعتیں عوامی مقصد کے لیے بنائی جاتی ہیں لیکن کوئی بھی جماعت اس مقصد میں کامیاب نہیں ہوسکیں۔
اے آر وائی نیوز کے پروگرام میں گفتگو کرتے ہوئے پاکستان کے سابق وزیر اعظم شاہد خاقان عباسی نے کہا کہ الیکشن کے بعد نئی سیاسی جماعت بنے گی، وہ جماعت میری نہیں ہے لیکن میں بھی اس سیاسی جماعت کا حصہ بنوں گا۔
شاہد خاقان عباسی اپنی جماعت کب بنارہے ہیں؟ اور اُس جماعت میں کون کون شامل ہوسکتا ہے؟ جانیے شاہد خاقان عباسی سے#ARYNews @AniqaNisar pic.twitter.com/BdMLESF2Ux
— ARY NEWS (@ARYNEWSOFFICIAL) January 27, 2024
انہوں نے کہا کہ میں دیکھوں گا اس جماعت کا مقصد کیا ہے، ہمارے ملک میں 3 بڑی جماعتوں نے نئی سیاسی جماعت کو اسپیس دی ہے، نئی جماعتیں عوامی مقصد کے لیے بنائی جاتی ہیں لیکن آئی پی پی اور پی ٹی آئی پی بھی اس مقصد میں کامیاب نہیں ہوسکیں۔
سابق وزیر اعظم نے کہا کہ نئی سیاسی جماعت کے لیے بہت سے لوگوں نے رابطہ کیا ہے، ان میں کچھ لوگ ایسے ہیں جنہوں نے سیاست چھوڑ دی ہے، اس جماعت میں شامل ہونے والے مفتاح اسماعیل بھی ہے۔
انہوں نے کہا میں اپنی یہ ذمہ داری سمجھتا ہوں کہ ملک کو ایسی سوچ دی جائے جو پاکستان کو کئی معاملات سے باہر نکال سکیں۔