سیکریٹری خزانہ کامران افضل نے کہا ہے کہ نئے مالی سال کے لیے بجٹ جون کے دوسرے ہفتے میں پیش ہوگا۔
میڈیاسےغیررسمی بات چیت کرتے ہوئے سیکریٹری خزانہ کامران افضل نے کہا کہ بجٹ اسٹریٹیجی پیپر میں تبدیلیاں ہوسکتی ہیں، بجٹ اسٹریٹیجی پرپارلیمنٹ، صنعتکار اور تاجروں سےمشاورت کریں گے۔
سیکریٹری خزانہ نے کہا کہ کورونااور لاک ڈاؤن سےمعاشی حکمت عملی متاثرہوتی ہے کوروناکی وجہ سے معیشت مختلف رخ اختیار کر لیتی ہے آئی ایم ایف کیساتھ قرض پروگرام میں تبدیلیوں کی گنجائش ہے اس لیے آئی ایم ایف کو کورونامیں معاشی حقیقت سےآگاہ کریں گے۔
- Advertisement -
ان کا کہنا تھا کہ زرمبادلہ کےذخائر مستحکم ہیں، انسداد کورونا کیلئےآئی ایم ایف فوری فنڈزکی ضرورت نہیں، گزشتہ سال آئی ایم ایف نےکوروناکیلئےڈیڑھ ارب ڈالردیئےتھے۔
