پاکستان میں رمضان کا چاند کب نظر آئے گا اور پہلا روزہ کس دن ہوگا اس حوالے ماہرین کی پیشگوئی سامنے آگئی۔
تفصیلات کے مطابق دنیا بھر میں رحمتوں اور برکتوں والے ماہ رمضان المبارک شروع ہونے میں2 ماہ سے کم عرصہ ہی باقی رہ گئے ہیں۔
ماہرین فلکیات نے رمضان المبارک کے آغاز کے حوالے سے پیش گوئی کی ہے کہ یکم رمضان المبارک 11 مارچ کو ہوگا۔
چاند کی حتمی تاریخ کا اعلان مرکزی رویت ہلال کمیٹی چاند نظر آنے کے بعد کرے گی۔
فلکی حساب سے ماہرین نے امکان ظاہر کیا ہے کہ پاکستان، سعودی عرب اور دیگر خلیجی ممالک میں پہلا روزہ 11 مارچ کو ہوگا۔
قابل ذکر بات یہ ہے کہ 26 سال کے بعد رمضان سردیوں میں شروع ہونے والا ہے، جو مسلمانوں کے لیے ایک منفرد تجربہ ہوگا۔
علم نجوم کے ماہرین کا کہنا ہے کہ 2024 سے شروع ہونے والا رمضان مسلسل سردیوں میں آئے گا تاہم، ابتدائی دو سال موسم بہار میں رمضان کا اختتام ہوگا اور 2031 تک رمضان موسم سرما میں آنے کی پیش گوئی کی گئی ہے ، اس کے بعد کے آٹھ سالوں کے لیے 2039 تک موسم خزاں میں منتقل ہو جائے گا۔
