مردہ مرغیاں کہاں سپلائی ہوتی ہیں؟ ملزمان نے انکشاف کر دیا

کراچی: شہر قائد میں مردہ مرغیاں سپلائی کرنے والے ملزمان نے گرفتاری کے بعد انکشاف کیا ہے کہ وہ ٹھٹھہ سے مردہ مرغیاں خریدتے ہیں۔

تفصیلات کے مطابق پولیس نے کورنگی نمبر 4 پر کارروائی کرتے ہوئے ایک ہزار سے زائد مردہ مرغیاں برآمد کی ہیں، مردہ مرغیاں 2 گاڑیوں میں لے جائی جا رہی تھیں، کارروائی میں 3 ملزمان کو گرفتار کر لیا گیا ہے۔

پولیس حکام کے مطابق گرفتار ملزمان نے دوران تفتیش انکشاف کرتے ہوئے بتایا کہ وہ ٹھٹھہ کے مختلف پولٹری فارموں سے مردہ مرغیاں کم قیمت پر خریدتے ہیں، اور پھر ان کا گوشت کراچی کے مختلف علاقوں میں سپلائی کرتے ہیں۔

ملزمان نے بتایا کہ وہ کراچی کے علاقوں گلشن حدید، کورنگی اور لانڈھی میں ہوٹلز اور مارٹ میں مردہ مرغیاں سپلائی کرتے ہیں۔ پولیس حکام کا کہنا ہے کہ گرفتار ملزمان حسنین اسلم ، جاوید اور فاروق کے خلاف مقدمہ درج کر لیا گیا ہے۔

Comments