واشنگٹن: 8 سال تک دنیا کے ایک طاقتور ملک کے سربراہ کی حیثیت سے ذمہ داریاں سنبھالنے اور لا تعداد تلخ و کٹھن لمحات گزارنے کے بعد آخر کار بارک اوباما نے وائٹ ہاؤس کو الوداع کہہ دیا۔
کل صدر ڈونلڈ ٹرمپ کی حلف برداری سے کچھ دیر قبل انہوں نے وائٹ ہاؤس میں موجود اپنے آفس کا آخری دورہ کیا، ٹرمپ کی حلف برداری میں شرکت کی اور مسکراتے لبوں کے ساتھ عہدہ صدارت سے دستبردار ہوگئے۔
امریکی میڈیا کا کہنا ہے کہ سابق صدر اوباما اب واشنگٹن سے قریب کالوراما نامی علاقے میں منتقل ہوجائیں گے جہاں وہ پہلے ہی ایک گھر خرید کر اس کی آرائش کر چکے ہیں۔
مزید پڑھیں: امریکا کے ارب پتی صدر ٹرمپ کا گھر
گو کہ یہ گھر وائٹ ہاؤس جتنا بڑا تو نہیں مگر اس میں اتنی جگہ ضرور ہے کہ اوباما خاندان اپنی 8 سال کی تھکن اتارنے کے لیے ورزش کر سکے۔
آئیے آپ کو سابق صدر اوباما کے گھر کی سیر کرواتے ہیں جہاں اب یہ خاندان مستقل رہائش اختیار کرلے گا۔