The news is by your side.

Advertisement

ڈیلٹا ویرینٹ کیخلاف کون سی ویکسین انتہائی مؤثر، بڑا دعویٰ سامنے آگیا

روسی اکیڈمی آف سائنسز کے رکن اور نوووسی برک یونیورسٹی لیبارٹری کے سربراہ سرگئی نیتی ‏سووف نے دعویٰ کیا ہے کہ روس کی تیار کردہ اسپوتنک وی ویکسین مہلک ترین ڈیلٹا ویرینٹ کے ‏خلاف 90 فیصد تک مؤثر ہے۔

سرگئی نیتی سووف کا کہنا ہے کہ امریکا، برطانیہ اور دیگر ممالک کے اعدادوشمار کے مطابق ‏اسپوتنک وی سمیت میسنجر آر این اے اور کیرئر ویکسین وائرس کے خلاف انتہائی کارگر ہیں اور ‏ڈیلیٹ ویرینٹ کے خلاف 90 فیصد تک تحفظ فراہم کرتی ہے۔

عالمی سطح پر استعمال کی جانے والی اس ویکسین کو کوویڈ 19 کی ابتدائی اقسام کے خلاف 92 ‏‏فیصد تک نتیجہ خیز اور کارگر قرار دیا گیا تھا۔

گمالیہ انسٹیٹیوٹ کے ڈائریکٹر ڈینس لوگنوو نے کہا کہ ڈیلٹا ویرینٹ کے خلاف اسپوتنک وی کے ‏‏نتائج کو ڈیجیٹل میڈیکل ویکسین ریکارڈ کی بنیاد پر اخذ کیا گیا ہے۔

اس سے قبل گمالیہ انسٹیٹیوٹ ریسرچ سینٹر کی لیبارٹری کے سربراہ ولادی ‏میرگوشین کی جانب سے ‏‏دعویٰ کیا گیا تھا کہ روس کی تیار کردہ اسپوتنک وی ویکسین کوویڈ 19 کی نئی مہلک اقسام کے ‏‏خلاف بھی انتہائی ‏کارگر ثابت ہوئی ہے۔

ولادی میرگوشین کے مطابق اسپوتنک وی ویکسین کا استعمال چھ ماہ تک وبا سے محفوظ ہونے کی ‏‏‏ضمانت دیتا ہے۔
ماہرین کا ماننا ہے کی اسپوتنک وی ویکسین کورونا کی انتہائی مہلک اقسام، وبا کے سنگین خطرات ‏‏‏اور ان سے نمٹنے میں صد فیصد گارنٹی دیتا ہے۔

واضح رہے کہ برطانوی طبی جریدے دی لانسیٹ نے روسی ویکسین کے تیسرے مرحلے کے ‏‏‏کلینکل ٹرائلز کی رپورٹ شائع کی ہے۔

Comments

یہ بھی پڑھیں