پاکستان کرکٹ ٹیم کے نوجوان فاسٹ بولر نسیم شاہ نے بتایا کہ انہیں کس کے ساتھ بولنگ کرنا پسند ہے اور کس اسپنر کے ساتھ بولنگ کرنا نہیں پسند ہے
اے آر وائی اسپورٹس کے شو ’کرکٹ کہانی‘ کے شو میں قومی کرکٹ ٹیم کے فاسٹ بولر نسیم شاہ اور اسپنر محمد نواز نے شرکت کی، جہاں شو کے میزبان شعیب ملک نے نسیم سے سوال کیا کہ انہیں کس بولر کے ساتھ بولنگ کرنا پسند ہے۔
جس پر نسیم شاہ کا کہنا تھا کہ میں ان بولرز کے ساتھ بولنگ کرتے ہوئے زیادہ انجوائے کرتا ہوں جو بیٹرز پر بہت زیادہ پریشر ڈالتا ہے، اس سے بیٹرز پر پریشر ہوتا ہے تو بولنگ کرانے میں مزا آتا ہے۔
انہوں نے کہا کہ شاہین شاہ آفریدی کے ساتھ بولنگ کرانے میں اچھا لگتا ہے، وہ ہوں یا میں پہلے اوور میں جب اوپنر کو آؤٹ کرتے ہیں تو اس سے بہت حوصلہ ملتا ہے۔
اس کے علاوہ نسیم شاہ نے یہ بھی کہا کہ اگر کوئی اسپنر بول کروا رہا ہوں تو اتنا مزہ نہیں آتا، محمد نواز کے ساتھ بولنگ کا مزہ نہیں آتا، وہ اسپنر ہیں اور کچھ ہی منٹ میں ان کا اوور مکمل ہوجاتا ہے۔
