نیشنل ٹی ٹونٹی کپ فرسٹ الیون ٹورنامنٹ میں سنسنی خیز مقابلے جاری ہیں۔ ملتان کرکٹ اسٹیڈیم میں جاری ٹورنامنٹ کا پہلا مرحلہ کل ختم ہوجائے گا۔ ایونٹ کا دوسرا مرحلہ 9 اکتوبر سے راولپنڈی میں شروع ہوگا۔
سنسنی سے بھرپور اس ٹورنامنٹ میں اب تک کھیلے گئے دس میچوں میں 363 چوکے اور 137 چھکے لگ چکے ہیں۔
راولپنڈی کے رہائشی ذیشان ملک 192 رنز بناکر اب تک ٹورنامنٹ کے سب سے زیادہ رنز بنانے والے کھلاڑی ہیں۔تئیس سالہ اوپنر نے اتوار کو سندھ کے خلاف کھیلے گئے لیگ میچ میں 52 گیندوں پر 84 رنز کی اننگز کھیل کر ناردرن کی فتح میں اہم کردار ادا کیا تھا۔
اب تک ٹورنامنٹ کے 4 میچوں میں 2 نصف سنچریاں بنانے والے ذیشان ملک نے کہا کہ رواں سال فرسٹ الیون میں نام آتے ہی انہوں نے اس ایونٹ میں بہترین کارکردگی کا مظاہرہ کرنے کا عزم کرلیا تھا۔ انہوں نے کہا کہ وہ ایونٹ کے اختتام پر ٹورنامنٹ کے بہترین بیٹسمین بننے کی خواہش رکھتے ہیں۔
84 off 52! Well played Zeeshan Malik 👏
LIVE: https://t.co/4kVnTS38ya
WATCH: https://t.co/ADIl54kHMp#NationalT20Cup | #HarHaalMainCricket | #NORvSIN pic.twitter.com/CIFEgftziQ
— Pakistan Cricket (@TheRealPCB) October 4, 2020
ذیشان ملک کا کہنا ہے کہ بطور کھلاڑی اگر آپ کی نصف سنچری سے ٹیم جیت جائے تو سنچری ادھوری رہ جانا کوئی معنی نہیں رکھتا مگر انہیں امید ہے کہ جس تسلسل سے وہ پرفارمنس دکھا رہے ہیں، وہ اس ایونٹ میں سنچری بنانے کی خواہش پوری کرلیں گے۔
Zeeshan Malik is the Man of the Match 👏
#NationalT20Cup | #HarHaalMainCricket pic.twitter.com/QnB2XbYOcf
— Pakistan Cricket (@TheRealPCB) October 4, 2020
دوہزارگیارہ میں اپنے کرکٹ سفر کا آغاز کرنے والے ذیشان ملک نے دوہزار بارہ میں پی سی بی پیپسی کرکٹ اسٹارز انڈر16 کرکٹ ٹورنامنٹ میں شرکت کی۔ دوہزار تیرہ میں انڈر19کی سطح پر کھیلوں کی سرگرمیوں کا آغاز کیا اور متعدد دوروں پر پاکستان کی نمائندگی کی۔آئی سی سی انڈر19 کرکٹ ورلڈکپ 2016 میں پاکستان کی قیادت کرنے والے ذیشان ملک انڈر 23 کرکٹ میں بھی پاکستان کی نمائندگی کرنے کا اعزاز رکھتے ہیں۔
فارغ اوقات میں فٹبال کھیلنے کے شوقین ذیشان ملک کا کہنا ہے کہ پہلی بار انڈر17 کرکٹ ٹیم کے ساتھ انگلینڈ جانےپر وہ بہت خوش تھے اور وہاں بنائی گئی سنچری آج بھی ان کی بہترین یاد ہے۔
I work hard to attain my goals: Zeeshan Malik
More: https://t.co/lnpF2eR6kZ#NationalT20Cup | #HarHaalMainCricket pic.twitter.com/zbUwwLX7qF
— Pakistan Cricket (@TheRealPCB) October 5, 2020
گزشتہ سال قائداعظم ٹرافی فرسٹ کلاس ٹورنامنٹ میں 216 رنز کی اننگز کھیلنے والے ذیشان ملک اب تک 16 فرسٹ کلاس میچوں میں 33.29 کی اوسط سے 1032 رنز بناچکے ہیں۔
نوجوان کرکٹرکا کہنا ہے کہ انہیں بیٹنگ کا بہت شوق ہے اور ان کی پسندیدہ شاٹ گیند کو کٹ کرنااور کوور ڈرائیو لگانا ہے۔انہوں نے کہا کہ وہ بچپن سے ہی اپنے خوابوں کی تکمیل کے لیے سردھڑ کی بازی لگانے کی کوشش کرتے رہے ہیں۔
ذیشان ملک نے بتایا کہ جنوبی افریقہ کے ورلڈ کلاس کرکٹر اے بی ڈویلیئرز اور پاکستان کےتجربہ کرکٹر محمد حفیظ ان کے پسندیدہ کرکٹر ہیں اور ان کا مقصد پاکستان کرکٹ ٹیم کی نمائندگی کرنا ہے۔
