کراچی : نویں اور دسویں کے پیپر لیکس کرنے والے نوجوان کے بڑے انکشافات سامنے آئے ، جس میں ملزم نے بتایا کس طرح پرچے لیک کرتا تھا۔
تفصیلات کے مطابق کراچی میں ڈسٹرکٹ سینٹرل پولیس نویں اور دسویں کے پرچے لیک کرنے والے نوجوان کو گرفتارکیا۔
گرفتار نوجوان کون ہیں اور کس طرح پیپر لیک کرتا تھا، اس حوالے سے دوران تفتیش بڑے انکشافات سامنے آئے۔
ملزم نے بتایا کہ گروپ کے ایڈمن میں فیاض جمالی اور سفیان ہیں، گروپ نائن ٹین گروپ کے نام سے بنایا تھا، پیپر لیک ہونے والے گروپ میں 202ممبر ہیں۔
گرفتار ملزم کا کہنا تھا کہ میں نے دسویں کلاس کے حل شدہ پرچے گروپ میں پوسٹ کئے تھے، پیپر لیک کے نام سے گروپ میں بھی پیپرآتے ہیں،
میں گورنر ہاوس میں باقاعدگی سے آرٹیفیشل انٹیلیجنس کی کلاس لیتا ہوں ، کلاس میں سمجھ کچھ نہیں اتا سر سے گزر جاتا ہے پھر بھی پڑھتا ہوں، اس کے علاوہ سونے کی جیولری ڈیزائن کرنے کا کام بھی کرتا ہوں۔
