کراچی: شہر قائد میں جناح اسپتال میں کون بچے کی لاش کو چھوڑ کر بھاگا تھا؟ اس سلسلے میں اے آر وائی نیوز نے خصوصی فوٹیج حاصل کر لی ہے۔
تفصیلات کے مطابق جناح اسپتال میں بچے کی لاش چھوڑ کر فرار ہونے والے مشتبہ افراد کی سی سی ٹی وی فوٹیج حاصل کر لی گئی، ویڈیو میں ہری ٹی شرٹ پہنے نوجوان کو فون پر باتیں کرتے دیکھا جا سکتا ہے۔
ویڈیو میں ایک کار اور شلوار قمیض پہننے شخص کو بھی دیکھا جا سکتا ہے، کار کے بونٹ پر ڈینٹ کا بڑا سا نشان بھی نظر آ رہا ہے، ویڈیو میں ہری ٹی شرٹ میں ملبوس نوجوان اسٹریچر چلاتے نظرآتا ہے۔
جناح اسپتال ایمرجنسی کے باہر مبینہ ٹریفک حادثے میں ہلاک بچے کی لاش چھوڑ کر فرار ہونے کے واقعے پر ڈی آئی جی ساؤتھ نے ایس ایچ او صدر کو تحقیقات کرنے کے احکامات جاری کر دیے ہیں۔
کار سوار بچے کی لاش جناح اسپتال ایمرجنسی کے باہر چھوڑ کر فرار
ڈی آئی جی نے ہدایت کی ہے کہ اطراف کی سی سی ٹی وی کیمرے چیک کیے جائیں، اور مشکوک گاڑی والے شخص کو فوری تلاش کیا جائے تاکہ حقائق معلوم ہو سکیں۔ واضح رہے کہ بچے کی شناخت تاحال نہیں ہو سکی ہے۔
