جنیوا: عالمی ادارہ صحت کا کہنا ہے کہ اومیکرون کا دوسرا ویرینٹ بھی پہلے والے سے مختلف نہیں ہے۔
تفصیلات کے مطابق ڈبلیو ایچ او کی سینئر عہدے دار ماریہ وان کرکوو نے کہا ہے کہ اومیکرون کا بی اے 2 ویرینٹ پہلی قسم (بی اے 1) سے زیادہ مہلک نہیں ہے۔
عالمی ادارہ صحت کی کرونا رسپانس ٹیم کی سربراہ نے کہا کہ دنیا کے مختلف لوگوں کے نمونوں کی بنیاد پر ہم دونوں اقسام میں کوئی فرق نہیں سمجھ رہے، دونوں ایک جیسا متاثر کرتے ہیں، اور یہ کہنا بہت ضروری ہے کیوں کہ بعض ممالک میں دونوں اقسام پائی جاتی ہیں۔
Have questions about Omicron and its sub-lineages like BA.2? Dr @mvankerkhove and Dr @AnuragAgrawalMD explain ⬇️https://t.co/5V6HmtU6zp #COVID19 pic.twitter.com/HURWmoeleq
— World Health Organization (WHO) (@WHO) February 22, 2022
ماریہ وان وائرس کی ابتدا ماپنے والے ماہرین کی کمیٹی کی تحقیق پر رپورٹ پیش کر رہی تھیں، انھوں نے کہا ان نتائج سے ڈنمارک جیسے ممالک کو مدد ملے گی جہاں اومیکرون کا بی اے 2 ویرینٹ رپورٹ ہوا ہے۔
واضح رہے کہ ڈبلیو ایچ او کا کہنا ہے کہ نئے ویرینٹس پہلے والوں سے زیادہ پھیلاؤ کی صلاحیت رکھتے ہیں، تاہم اچھی بات یہ ہے کہ دنیا بھر میں تمام اقسام کا پھیلاؤ اب کم ہوتا جا رہا ہے۔