The news is by your side.

اومیکرون دنیا کے لئے شدید خطرہ قرار

عالمی ادارہ صحت نے خبردار کیا کہ کرونا وائرس کی نئی قسم دنیا کے لیے "انتہائی” خطرناک ہے۔

تفصیلات کے مطابق ڈبلیو ایچ او نے جنوبی افریقا میں دریافت ہونے والے متغیر کرونا وائرس ‘اومیکرون’ کو شدید خطرہ قرار دے دیا ہے۔

عالمی ادارہ صحت نے خبردار کیا کہ کرونا وائرس کی نئی قسم دنیا کے لیے "انتہائی” خطرناک ہے، ویرئنٹ کتنا خطرناک اور کس حد تک متاثر کر سکتا ہے یہ کہنا قبل از وقت ہوگا؟۔

دوسری جانب ڈبلیو ایچ او نے دنیا کو کرونا وائرس جیسی وبا سےبچانےکیلئےعالمی معاہدے کا مسودہ تیار کرلیا ہے، امریکا، یورپ کی مشاورت سے ڈبلیو ایچ اونے یہ مسودہ تیار کیا ہے۔

یہ بھی پڑھیں: کورونا کی نئی قسم؛ امریکی صدر کا بڑا دعویٰ

ادھر صدر جوبائیڈن نے کہا کہ نئی قسم اومیکرون کامقابلہ کرنےکیلئےویکسین کی نئی خوراکوں کی ‏ضرورت ہوگی وقت پڑنےپر ہم پیداوار اور تقسیم کو تیز کرنےکیلئے ہر ممکن کوشش کریں گے۔

صدر جوبائیڈن کا کہنا تھا کہ اومیکرون سےکیسےنمٹیں گے اس متعلق جمعرات کوحکمت عملی کا اعلان کریں ‏گے۔

یاد رہے کہ کرونا وائرس کی نئی قسم سامنے آنے کے بعد دنیا کے کئی ممالک کی جانب سے افریقہ سے آنے والی پروازوں پر پابندی لگادی ہے، وزرات خارجہ نے اسے جنوبی افریقہ کو سزا دینے کے مترادف قرار دیا ہے۔

ڈبلیو ایچ او کے مطابق اس نئی قسم میں کووِڈ نائنٹین نے وسیع سطح پر اپنی ہیئت اور شکل تبدیل کر لی ہے، جس سے اس وائرس میں بار بار انفیکشن ہونے کا خطرہ دیگر تمام اقسام سے زیادہ ہو گیا ہے۔

Comments

یہ بھی پڑھیں