معروف بالی ووڈ اداکارہ تاپسی پنوں نے ماڈلنگ چھوڑنے کے حوالے سے اہم انکشاف کیا ہے۔
اداکارہ تاپسی پنوں اداکاری سے قبل ماڈلنگ کی جانب راغب تھیں، انہوں نے چند برس اس شعبے میں جگہ بنانے کی کوشش بھی کی، اپنے زمانہ طالب علمی میں تو انہوں نے مس انڈیا مقابلہ 2008 میں بھی قسمت آزمائی کی اور وہاں ٹاپ 28 میں شامل رہیں۔
لیکن یہ تجربہ تاپسی کے لیے کچھ زیادہ خوشگوار نہیں تھا، اس کی وجہ یہ تھی کہ وہاں پر ٹرائل کے دوران اقرباء پروری اور سفارش عروج پر تھی۔
تاپسی نے بتایا کہ دہلی میں پروفیشنل ماڈلز کے خلاف مقابلے میں جانا تھا، تین لڑکیوں میں سے مجھے منتخب کیا گیا تھا لیکن ایک ڈیزائنر نے مجھے کہا کہ آپ کو یہاں پر نہیں ہونا چاہیے۔
ایک انٹرویو کے دوران تاپسی کا مزید کہنا تھا کہ مقابلہ حسن کے گرومنگ پیریڈ کے دوران مجھے اندازہ ہوگیا تھا کہ اس شعبے میں، میں کام نہیں کرسکتیں۔
انہوں نے بتایا کہ وہاں پر ہم سے واک کروایا جاتا اور یہ سکھایا جاتا تھا کہ کیسے مسکرایا جاتا ہے، اس زمانے میں ڈیزائنر ہیمنت ترویدی ماہر ٹیچر ہوا کرتے تھے اور انہوں نے ہی میری توہین کرتے ہوئے کہا کہ اگر میرے ہاتھ میں ہوتا تو میں تمہیں کبھی ٹاپ 28 میں نہ آنے دیتا۔
