انٹرپول چیف ’مینگ ہوننگ‘ کی جان کو خطرہ ہے، اہلیہ کا انکشاف Interpol chief
The news is by your side.

Advertisement

انٹرپول چیف ’مینگ ہوننگ‘ کی جان کو خطرہ ہے، اہلیہ کا انکشاف

بیجینگ/پیرس : انٹرپول کے چیف کی اہلیہ نے انکشاف کیا ہے کہ مینگ ہوننگ نے لاپتہ ہونے سے قبل مجھے پیغام بھیجا تھا کہ ’میری جان کو خطرہ ہے‘ جبکہ چینی حکام نے مینگ ہونگ کو رشوت خوری کے الزام میں گرفتار کیا ہے۔

تفصیلات کے مطابق انٹرپول چیف مینگ ہوننگ وی چند روز قبل چین سے واپسی پر لاپتا ہوگئے تھے، مینگ ہوننگ وی کی اہلیہ نے فرانسیسی پولیس کو شوہر کے لاپتا ہونے کے حوالے سے اطلاع دی تھی جس کے بعد فرانسیسی پولیس نے تحقیقات شروع کی تھی۔

غیر ملکی خبر رساں ادارے کا کہنا تھا کہ انٹر پول کے چیف کی اہلیہ نے پریس کانفرنس سے خطاب کرتے ہوئے بتایا کہ ’میرے شوہر کی جان خطرے میں ہے‘۔

انٹرپول چیف کی اہلیہ ’لیون‘ کا کہنا کہ ہے کہ مینگ ہونگ وی نے گذشتہ ماہ 25 ستمبر کو سوشل میڈیا پر ایک ’ایموجی‘ پیغام بھیجا تھا جس کا مطلب تھا ’میں خطرے میں ہوں‘۔

چینی حکام نے  انٹرپول کے صدر کی گرفتار ہونے کی تصدیق کرتے ہوئے کہا ہے کہ مجرمانہ سرگرمیوں، کرپشن اور رشوت خوری میں ملوث ہونے کے شبے میں زیر تفتیش ہیں۔

نیشنل سپروائزری کمیشن کی ویب سائٹ کے مطابق مینگ ہوننگ تاحال چینی قوانین کی خلاف ورزی کرنے کے الزام میں زیر تفتیش ہیں، انٹرپول چیف چین کی پبلک سروس کمیشن میں ملازمت کرتے تھے۔

خیال رہے کہ مینگ ہوننگ پہلے چینی شہری ہیں جنہیں انٹرنیشنل پولیس کا چیف بنایا گیا تھا، ہوننگ وی سنہ 2016 انٹرپول چیف منتخب ہونے کے بعد سے اپنی اہلیہ اور بچوں کے ہمراہ فرانس میں ہی مقیم تھے۔

انٹرپول چیف مینگ ہوننگ وی چائنا میں اہم عہدوں پر فائز رہ چکے ہیں اس سے قبل وہ پبلک سیکیورٹی کے نائب وزیر کی حیثیت سے بھی خدمات انجام دے چکے ہیں۔


مزید پڑھیں : انٹرپول چیف لاپتا، فرانسیسی پولیس نے تحقیقات شروع کردیم

واضح رہے کہ نومبر 2016 میں مینگ ہوننگ وی چار سال کے لیے انٹرپول کے صدر منتخب ہوئے تھے، انہوں نے منتخب ہوتے ہی انٹرپول کے صدر مرلی بالیسٹرزی سے چارج لیا تھا۔

تنظیم کے نئے صدر کے طور پر مینگ کا فرض جنرل اسمبلی میں ہونے والے فیصلوں کے نفاذ کو یقینی بنانا اور ایگزیکٹو کمیٹی کے اجلاس کی صدارت شامل تھا۔

Comments

comments

یہ بھی پڑھیں